आज सुन चाँदीको भाउमा गिरावट

काठमाडौं । नेपाली बजारमा दैनिक नयाँ रेकर्ड कायम गर्दै आएको सुन चाँदीको भाउ आज भने सामान्य घटेको छ । आज सुनको भाउ तोलामा ७ सय रुपैयाँले घटेर १ लाख ६६ हजार रुपैयाँमा कारोबार भइरहेको छ । हिजो सुन तोलामा १ लाख ६६ हजार ७ सय रुपैयाँमा कारोबार भएको थियो ।

आज चाँदीको भाउ पनि तोलामा ४० रुपैयाँ घटेर २ हजार ९५ रुपैयाँ कायम भएको छ। हिजो चाँदी तोलाको २ हजार १ सय ३५ रुपैयाँमा कारोबार भएको थियो।