काठमाडौं । माउन्ट एभरेष्ट पावर डेभलपमेन्टले आउँदो असार ३ गतेदेखि सर्वसाधारणका लागि आइपीओ ल्याउने भएको छ।
कम्पनीले पहिलो चरणमा आयोजना प्रभावित स्थानीय र वैदेशिक रोजगारीमा रहेका नेपालीलाई आइपीओ बिक्री गरेपछि दोस्रो चरणमा सर्वसाधारणका लागि आइपीओ ल्याउन लागेको हो। कम्पनीले दोस्रो चरणमा कर्मचारीलाई ३४ हजार ४०० कित्ता र सामूहिक लगानी कोषलाई ८६ हजार कित्ता शेयर छुट्याएर १०० रुपैयाँ अंकित दरका १४ लाख २७ हजार ६०० कित्ता शेयर सर्वसाधारणका लागि जारी गर्नेछ।
लगानीकर्ताले यो आइपीओमा न्यूनतममा १० कित्ता र अधिकतममा १० हजार कित्ताका लागि आवेदन दिन सक्नेछन्। आवेदन नेपाल धितोपत्र बोर्डबाट अनुमति प्राप्त सी–आस्बा सेवामा सहभागी बैंक तथा वित्तीय संस्था र तिनका तोकिएका शाखा कार्यालयका साथै सीडीएससीको ‘मेरो शेयर’ दिन सकिनेछ।
यो आइपीओको निष्कासन बन्द छिटोमा असार ८ गते र ढिलोमा असार १७ गते बैंकिङ समयपछि हुनेछ। आइपीओ बिक्री प्रबन्धक एनआईएमबि एस क्यापिटल रहेको छ।
