काठमाडौं । मुलुकको अर्थतन्त्र पछिल्लो समय सकारात्मक बन्दै गएको छ। महँगी घटेको छ भने रेमिट्यान्स भित्रिने क्रम बढेको छ।
नेपाल राष्ट्र बैंकले सार्वजनिक गरेको तथ्यांकका अनुसार मुलुकको अर्थतन्त्रमा निकै सुधार आएको छ। आयात र निर्यात घटे पनि मुलुकको चालु खाता र शोधनान्तर स्थित बचतमा रहेको छ। विदेशी मुद्राको सञ्चिति पनि बढेको छ।
यस्ता छन् अर्थतन्त्रका मुख्य ८ सूचक
- वार्षिक औसत मुद्रास्फीति ५.४४ प्रतिशत रहेको छ।
- आयात १.२ प्रतिशतले र निर्यात ३.० प्रतिशतले घटेको छ। अघिल्लो वर्ष आयात १६.१ प्रतिशतले र निर्यात २१.४ प्रतिशतले घटेको थियो।
- विप्रेषण आप्रवाह (रेमिट्यान्स) नेपाली रुपैयाँमा १६.५ प्रतिशत र अमेरिकी डलरमा १४.५ प्रतिशतले बढेको छ।
- शोधनान्तर स्थिति रु. ५ खर्ब २ अर्ब ४९ करोडले बचतमा रहेको छ। अघिल्लो वर्ष शोधनान्तर स्थिति रु. २ खर्ब ८५ अर्ब ८२ करोडले बचतमा रहेको थियो।
- कुल विदेशी विनिमय सञ्चिति १५ अर्ब २७ करोड अमेरिकी डलर रहेको छ। उक्त सञ्चिति १३ महिनाको वस्तु तथा सेवा आयात धान्न पर्याप्त छ।
- विस्तृत मुद्राप्रदाय १३.० प्रतिशतले बढेको छ।
- बैंक तथा वित्तीय संस्थाको निक्षेप संकलन १३.० प्रतिशतले र निजी क्षेत्रमा प्रवाहित कर्जा ५.८ प्रतिशतले बढेको छ।
- २०८१ असार मसान्तमा बैंक तथा वित्तीय संस्थाहरुमा रहेको कुल निक्षेप रु.६४ खर्ब ५२ अर्बर निजी क्षेत्रमा प्रवाहित कर्जा रु.५० खर्ब ७४ अर्ब पुगेको छ।
