काठमाडौं । हिमालयन एभरेष्ट इन्स्योरेन्स कम्पनीले असार १७ गतेदेखि असार १९ गतेसमम निर्जीवन बीमा अभिकर्ताको आधारभूत तालिम सञ्चालन गर्ने भएको छ। कम्पनीले भर्चुअल माध्यमबाट तालिम सञ्चालन गर्ने भएको हो।
तालिम काठमाडौंको बबरमहलस्थित कम्पनीको केन्द्रीय कार्यालयमा बिहान ९ः३० बजेदेखि साँझ ५ बजेसम्म हुनेछ। असार १९ गते अपराह्न ४ः३० बजेदेखि साँझ ५ः३० बजेसम्म परीक्षा हुने कम्पनीले जनाएको छ।
तालिममा सहभागी हुन न्यूनतम प्लस टु वा प्रविणता प्रमाणपत्र वा सोसरहको परीक्षा उत्तीर्ण गरेको नेपाली नागरिक हुनुपर्ने कम्पनीले जनाएको छ। तालिममा सहभागी हुन कम्पनीको केन्द्रीय कार्यालयमा आवेदन दिनुपर्नेछ।
आवेदनसँगै नागरिकता, चारित्रिक र शैक्षिक प्रमाणपत्र तथा स्थायी लेखा नम्बरको प्रतिलिपि तथा पासपोर्ट साइजको फोटो ४ प्रतिशत पेस गर्नुपर्ने कम्पनीले जनाएको छ।
