काठमाडौं । सन सेक्युरिटिज (ब्रोकर नं. ६४)ले ‘स्टक पिचिङ–२०८२’ प्रतियोगिता आयोजना गर्ने भएको छ। यसका लागि सन सेक्युरिटिजले रजिस्ट्रेसन खुला गरेको छ।
यो प्रतियोगिता पुँजी बजारसम्बन्धी ज्ञान र अवसरलाई जोड्न योजना गर्न लागिएको सन सेक्युरिटिजले जनाएको छ। प्रतियोगितामा सहभागी हुन इच्छुकले माघ १७ गतेसम्म रजिस्ट्रेसन गर्न सक्नेछन्।
विभिन्न चरणमा हुने प्रतियोगिताको ग्रान्ड फिनाले फागुन ८ गते हुनेछ। फिनालेमा उत्कृष्ट १५ प्रतियोगीले नेप्सेमा सूचीकृत कम्पनीबारे आफ्नो प्रस्तुति दिनेछन्। उत्कृष्ट तीन विजेताले क्रमशः १० हजार, ७ हजार र ५ हजार रुपैयाँ नगद पुरस्कारसहित ट्रफी र सन सेक्युरिटिजमा ३ महिने इन्टर्नसिपको अवसर पाउनेछन्।
अन्य २ उत्कृष्ट फाइनलिस्टलाई पनि संस्थामा इन्टर्नसिपको विशेष व्यवस्था गरिएको सन सेक्युरिटिजले जनाएको छ।
यो प्रतियोगिताको मिडिया पाटर्नरका रुपमा इन्स्योरेन्स खबर रहेको छ।
