काठमाडौं । स्टार माइक्रो इन्स्योरेन्स कम्पनीले गत आर्थिक वर्ष २०८२।८३ को अपरिष्कृत वित्तीय विवरण सार्वजनिक गरेको छ।
वित्तीय विवरणअनुसार गत आर्थिक वर्षमा कम्पनीले १ करोड २० लाख रुपैयाँ नाफा आर्जन गर्न सफल भएको छ। अघिल्लो आर्थिक वर्ष २०८१।८२ मा कम्पनीले ५३ लाख २८ हजार रुपैयाँ नाफा आर्जन गरेको थियो। अघिल्लो आर्थिक वर्षको तुलनामा समीक्षा वर्षमा कम्पनीको नाफा १२५.३० प्रतिशतले बढेको छ।
समीक्षा वर्षमा कम्पनीको स्पेसल रिजर्भमा ५० लाख ६४ हजार रुपैयाँ, महाविपत्ति कोषमा ५ लाख ६ हजार रुपैयाँ, रिटेन्ड अर्निङमा २८ लाख ५ हजार रुपैयाँ र अन्य इक्विटीमा १ करोड ३५ लाख रुपैयाँ रहेको छ। अघिल्लो वर्ष स्पेसल रिजर्भमा २१ लाख ६४ हजार रुपैयाँ, महाविपत्ति कोषमा २ लाख १६ हजार रुपैयाँ, रिटेन्ड अर्निङमा २० लाख रुपैयाँ र अन्य इक्विटीमा ७० लाख ६६ हजार रुपैयाँ थियो।
गत आर्थिक वर्षमा कम्पनीको बीमा कोषमा ३० करोड ३८ लाख रुपैयाँ रहेको छ। अघिल्लो वर्ष बीमा कोषमा १६ करोड १९ लाख रुपैयाँ थियो। अघिल्लो वर्षको तुलनामा समीक्षा वर्षमा कम्पनीको बीमा कोषको आकार ८७.६३ प्रतिशतले बढेको छ।
समीक्षा वर्षमा कम्पनीले २६ करोड ७८ लाख रुपैयाँ कुल बीमाशुल्क आर्जन गरेको छ। अघिल्लो वर्षमा कम्पनीले १५ करोड ४५ लाख रुपैयाँ कुल बीमाशुल्क आर्जन गरेको थियो। अघिल्लो वर्षको तुलनामा समीक्षा वर्षमा कम्पनीको कुल बीमाशुल्क आर्जन ७३.२५ प्रतिशतले बढेको छ।
कम्पनीले समीक्षा वर्षमा ११ करोड २१ लाख रुपैयाँ खुद बीमाशुल्क आर्जन गरेको छ। अघिल्लो आर्थिक वर्षमा कम्पनीले ५ करोड २९ लाख रुपैयाँ खुद बीमाशुल्क आर्जन गरेको थियो। अघिल्लो वर्षको तुलनामा कम्पनीको खुद बीमाशुल्क आर्जन १११.७४ प्रतिशतले बढेको छ।
शेयरपुँजी ५२ करोड ५० लाख रुपैयाँ रहेको कम्पनीको वार्षिकीकृत प्रतिशेयर आम्दानी (ईपीएस) बढेर २.२९ रुपैयाँ कायम भएको छ। अघिल्लो वर्ष ईपीएस १.०१ रुपैयाँ थियो।
समीक्षा वर्षमा कम्पनीको सोल्भेन्सी रेसियो १.९४ रहेको छ। अघिल्लो वर्ष सोल्भेन्सी रेसियो १.९४ रहेको थियो।
