काठमाडौं । चालु आर्थिक वर्ष २०८२।८३ को पहिलो दुई महिना भदौसम्म लघु जीवन बीमकले साढे १५ करोड रुपैयाँ माथिको व्यापार भित्र्याएका छन्।
नेपाल बीमा प्राधिकरणका अनुसार ३ वटा लघु जीवन बीमकले भदौसम्म १८ लाख ९४ हजार २३९ वटा बीमालेख जारी गरेर १५ करोड ६४ लाख ९१ हजार रुपैयाँ कुल बीमाशुल्क आर्जन गरेका हुन्।
भदौसम्म सर्वाधिक व्यापार भित्र्याउनेमा क्रेस्ट माइक्रो लाइफ रहेको छ। यो कम्पनी ४ लाख ६२ हजार ७५९ वटा बीमालेख जारी गरेर ५ करोड ६३ लाख ५२ हजार रुपैयाँ कुल बीमाशुल्क संकलन गरेको छ।
यसैगरी गार्डिन माइक्रो लाइफले १२ लाख १० हजार २२७ वटा बीमालेख जारी गरेर ५ करोड ६३ लाख ७ हजार रुपैयाँ र लिबर्टी माइक्रो लाइफले २ लाख २१ हजार २५३ वटा बीमालेख जारी गर्दै ४ करोड ३८ लाख ३२ हजार रुपैयाँ बीमाशुल्क संकलन गरेका छन्।
