काठमाडौं । चालु आर्थिक वर्ष २०८२।८३ को पहिलो ५ महिना मंसिरसम्म लघु निर्जीवन बीमकले साढे ४९ करोड रुपैयाँ बढीको व्यापार भित्र्याएका छन्।
नेपाल बीमा प्राधिकरणले सार्वजनिक गरेको तथ्यांकअनुसार चालु आर्थिक वर्षको मंसिरसम्म ४ वटा लघु निर्जीवन बीमकले ४९ करोड ६० लाख कुल बीमाशुल्क संकलन गरेका हुन्। यो ५ महिनामा उनीहरुले १ लख ७९ हजार ५११ वटा बीमालेख जारी गरेका छन्।
मंसिरसम्म सर्वाधिक व्यापार भित्र्याउनेमा प्रोटेक्टिभ माइक्रो इन्स्योरेन्स रहेको छ। यो कम्पनीले ५१ हजार २१९ वटा बीमालेख बिक्री गरेर १३ करोड २१ लाख रुपैयाँ कुल बीमाशुल्क संकलन गरेको छ।
दोस्रोमा नेपाल माइक्रो इन्स्योरेन्स रहेको छ। यो कम्पनीले ४५ हजार ६२ वटा बीमालेख बिक्री गरेर १३ करोड ३ लाख रुपैयाँ कुल बीमाशुल्क संकलन गरेको छ।
यसैगरी ट्रस्ट माइक्रो इन्स्योरेन्सले ३६ हजार ५१३ वटा बीमालेख बिक्री गरेर १२ करोड ६० लाख रुपैयाँ र स्टार माइक्रो इन्स्योरेन्सले ४६ हजार ७१७ वटा बीमालेख बिक्री गरेर १० करोड ७४ लाख रुपैयाँ कुल बीमाशुल्क संकलन गरेका छन्।
