काठमाडौं । चालु आर्थिक वर्षको प्रथम त्रैमासमा लघु निर्जीवन बीमकले पौने २७ करोड रुपैयाँ बढीको व्यापार भित्र्याएका छन्।
नेपाल बीमा प्राधिकरणले आज सार्वजनिक गरेको तथ्यांकअनुसार ४ वटा लघु निर्जीवन बीमकले ९१ हजार ६३१ वटा बीमालेख बिक्री गरेर २६ करोड ८१ लाख रुपैयाँ बढी कुल बीमाशुल्क संकलन गरेका हुन्।
सबैभन्दा बढी व्यापार भित्र्याउने लघु निर्जीवन बीमकमा नेपाल माइक्रो इन्स्योरेन्स रहेको छ। यो कम्पनीले २२ हजार ७१५ वटा बीमालेख जारी गरेर ७ करोड ३ लाख रुपैयाँ कुल बीमाशुल्क संकलन गरेको छ।
दोस्रोमा प्रोटेक्टिभ माइक्रो इन्स्योरेन्स रहेको छ। यो कम्पनीले २५ हजार ४२४ वटा बीमालेख बिक्री गरेर ६ करोड ९९ लाख रुपैयाँ कुल बीमाशुल्क संकलन गरेको छ।
यसैगरी ट्रस्ट माइक्रो इन्स्योरेन्सले १९ हजार २५१ वटा बीमालेख जारी गरेर ६ करोड ९५ लाख रुपैयाँ र स्टार माइक्रो इन्स्योरेन्सले २४ हजार २४१ वटा बीमालेख बिक्री गरेर ५ करोड ८२ लाख रुपैयाँ कुल बीमाशुल्क संकलन गरेका छन्।
