काठमाडौं । निर्जीवन बीमा कम्पनीहरूले रसुवा गढी नाकाबाट नेपाल प्रवेश गरेको भीषण बाढीबाट प्रभावित क्षेत्रका बासिन्दालाइ बीमा दाबी सम्बन्धी सेवा छरितो उपलब्ध गराउन सहायता कक्ष सञ्चालनमा ल्याएका छन्।
निर्जीवन बीमकले सामाजिक सञ्जाल तथा वेबसाइटमार्फत् सूचना जारी गर्दै नुवाकोट शाखा र काठमाडाैंस्थित प्रधान कार्यालयमा रहेका दाबी विभागका कर्मचारीको मोबाइल सम्पर्क नम्बर उपलब्ध गराएका छन् ।
सूचनामा बीमाकृत सम्पत्तीमा बाढीबाट क्षति पुगेको भए यथाशीघ्र जानकारी गराउन अनुरोध गरिएको छ। साथै बीमकले दाबी भुक्तानीलाइ छिटोछरितो फर्छ्याैट गर्ने प्रतिबद्धता समेत जनाएका छन् ।
