काठमाडौं । क्रेडिट रेटिङ एजेन्सी इक्रा नेपालले, लघु बीमा कम्पनी प्रोटेक्टिभ माइक्रो इन्स्योरेन्स लिमिटेडको जारीकर्ताको मूल्याङ्कन इक्रा डबल बी पुन: पुष्टि गरेको छ। यो पुनःपुष्टीले पूर्व निर्धारित वित्तीय दायीत्वहरू समयमै पुरा गर्ने सम्बन्धमा दिवालीयाको मध्यम जोखिमलाई जनाउँछ।
नयाँ इजाजतपत्र प्राप्त बीमकले आक्रामक व्यापार विस्तार प्रदर्शन गर्दा पनि दीर्घकालीन नाफा कमाउन कडा प्रतिस्पर्धा र चुनौतीहरूको सामना गरिरहेको बेला यो पुन: पुष्टि भएको हो।
मूल्याङ्कनलाई समर्थन गर्ने एक प्राथमिक कारक प्रोटेक्टिभको पर्याप्त पूँजीकरण र वित्तीय दायीत्व बीचको अनुपात हो । यसले हाल यसको न्यून सञ्चालन आयतनसँग सम्बन्धित जोखिमहरूलाई थेग्छ। जुलाई २०२४ को मध्यसम्म, कम्पनीको पूँजी र वित्तीय दायीत्व अनुपात(सोल्भेन्सी अनुपात) १.८३ गुणा रहेको थियो । यो स्थिति नियामकीय सीमाको न्यूनतम १.५ गुणा भन्दा माथि थियो। २५ करोड रुपैयाँको प्रस्तावित प्रारम्भिक सार्वजनिक प्रस्ताव (आईपीओ) पछि यो वित्तीय अवस्था अझ बलियो हुने अपेक्षा गरिएको छ।
यो लघु बीमा कम्पनीमा हिमालयन पुनर्बीमा लिमिटेडको २१ प्रतिशत शेयर स्वामित्व छ। प्रोटेक्टिभले शाखा सञ्जाल विस्तार गर्दै गत असार मसान्तसम्ममा ३३ पुर्याएको छ। यो भौगोलिक पहुँचले आर्थिक वर्ष २०८१।८२ मा कुल संकलित बीमाशुल्कमा २.८ गुणाले वृद्धि भएको थियो।
बलियो पूँजी र शाखा सञ्जाल वृद्धिका बावजुद, यो कम्पनीको सीमित सञ्चालन पृष्ठभूमी (अप्रिल २०२३ देखि) र गम्भीर स्केलेबिलिटी चुनौतीहरूले मूल्याङ्कन सीमित राखेको छ। प्रोटेक्टिभले अत्यन्तै प्रतिस्पर्धात्मक परिदृश्यमा व्यापार सञ्चालन गर्नु परिरहेको छ। यसले तीन अन्य नयाँ इजाजतपत्र प्राप्त लघु निर्जीवन बीमा कम्पनीहरू (नेपाल माइक्रो इन्स्योरेन्स, स्टार माइक्रो इन्स्योरेन्स, र ट्रस्ट माइक्रो इन्स्योरेन्स) मात्र नभई साना-टिकट बीमा उत्पादनहरू पनि प्रदान गर्ने १४ स्थापित मुलधारका निर्जीवन बीमकको पनि सामना गर्नु परिरहेको छ।
तीब्र प्रतिस्पर्धा र छोटो सञ्चालन इतिहासका कारण अहिलेसम्म नकारात्मक बीमाङ्कन अधिशेष देखिएको छ। फलस्वरूप, कम्पनीको नाफा (यसले आर्थिक वर्ष २०२५ मा कर पछिको नाफा १३ लाख रूपैयाँ थियो) लगानी उपजमा धेरै निर्भर छ। यो निर्भरता जोखिमपूर्ण मानिन्छ, विशेष गरी प्रचलित कम ब्याजदर व्यवस्थालाई ध्यानमा राख्दै, जसले प्रतिफललाई मध्यम बनाउँदै आएको छ। कम्पनीको ५६ करोड ४० लाखको लागि करिब ८६ प्रतिशत क श्रेणीको बैंकमा मुद्दती निक्षेपमा लगानी गरिएको छ। यसको औसत प्रतिफल दर ८ प्रतिशत छ।
इक्रा नेपालले मोटर बीमामा निर्भरताले उच्च एकाग्रताको जोखिम औंल्याएको छ। यसबाहेक महाविपत्ती पुनर्बीमाको अभावले गर्दा व्यवसाय बढ्दै जाँदा जोखिम निम्त्याउने चिन्ता व्यक्त गरेको छ।
लघु-बीमा कम्पनीहरूलाई ५० लाख रूपैयाँ भन्दा बढी बीमा रकम भएका बीमालेखहरूमा प्रतिबन्ध लगाउने नियामकीय सीमाले गर्दा व्यवसाय बिस्तारमा अवरोधको काम गरिरहेको छ।
