काठमाडौं । रमेश कुमार पोखरेलले राजिनामा दिएपछि नेतृत्व विहिन भएको स्वास्थ्य बीमा बोर्डमा स्वास्थ्य मन्त्रालयले सहसचिव डा. राधिका थपलियालाई निर्देशक बनाएर पठाएको छ । राष्ट्रिय स्वास्थ्य शिक्षा तथा सूचना केन्द्रकीे स्वास्थ्य शिक्षा प्रशासकको कार्यरत थपलियालाई स्वास्थ्य बीमा बोर्डको निर्देशकको जिम्मेवारी तोकिएको हो ।
औपचारिक प्रक्रियाबाट कार्यकारी निर्देशक नियुक्त नहुँदासम्मको लागि डा. थपलियालाई निर्देशक बनाएर पठाएको हो । डा. थपलियालाई मन्त्रिस्तरीय निर्णय गरी अर्को निर्णय नहुन्जेलसम्मका लागि कार्यकारी निर्देशकमा नियुक्त गरेको हो । डा. थपलियाले आजै कार्यभार सम्हालेकी छिन् ।
