काठमाडौं । नेपाल पत्रकार महासंघ काठमाडौं, ललितपुर र भक्तपुर शाखाले श्रमजीवी पत्रकारहरुको बीमा तथा निःशुल्क उपचार गर्न सरकारसँग माग गरेको छ । कोरोना महामारीमा कोरोना रोकथाम तथा नियन्त्रणका लागि सरकारले गरेको लकडाउनमा आफ्नो काममा निरन्तता दिने सञ्चारकर्मीलाई विशेष बिमासहित निःशुल्क उपचार गर्न माग गरेको महासंघले जनाएको छ ।
लकडाउनको समयमा पत्रकारहरुलाई काम गर्न गाह्रो हुनुको साथै आर्थिक रुपमा पनि केही अप्ठायारो भएको भन्दै, नेपाल पत्रकार महासंघ काठमाडौंका अध्यक्ष सन्तराम बिडारी, ललितपुरका अध्यक्ष ज्ञानप्रसाद पौडेल र भक्तपुर शाखाका अध्यक्ष पुष्करराज बुढाथोकीले सरकारसँग यस्तो माग गरेका हुन् ।
नेपाल पत्रकार महासंघका तीन जिल्लाका अध्यक्षले यस्तो भयावह अवस्थामा सूचना प्रवाह गर्ने संचार माध्यम तथा पत्रकारहरुलाई इन्टरनेट, टेलिफोन,विद्युतका साथै अत्यावश्क सेवाहरुमा सहुलियत दिन समेत सरकारसँग माग गरिएको जनाएका छन् ।
