काठमाडौं । आज फेरी सुनको मुल्य बढेको छ । हिजो घटेको सुनको भाउ आज १ हजार रुपैयाँले बढेको नेपाल सुनचाँदी व्यवसायी महासँघले जनाएको छ ।
मंगलवारको तुलनामा बुधवार सुनको मूल्य १ हजार रुपैयाँले बढेर छापावाल सुन प्रतितोला ७३ हजार ५ सय रुपैयाँमा कारोबार भैरहेको छ । मंगलवार सुन प्रतितोला ७२ हजार ५ सय रुपैयाँमा कारोबार भएको थियो ।
त्यस्तै बुधवार तेजावी सुन प्रतितोला ७३ हजार २ सय रुपैयाँमा कारोबार भैरहेको छ ।
चाँदी प्रतितोलामा ९ सय ४० रुपैयाँमा कारोबार भैरहेको छ । मंगलवारको तुलनामा बुधवार चाँदीको मूल्य ४५ रुपैयाँले बढेको हो । चाँदी मंगलवार ८ सय ९५ रुपैयाँमा कारोबार भएको थियो ।
