काठमाडौं: नेपालमा नयाँ बीमा कम्पनीहरु स्थापना भएसँगै कम्पनीहरुको शाखा खोल्ने क्रम पनि तिव्र रुपमा अगाडी बढेको छ । हाल कम्पनीहरुले संचालन गरेको शाखा संख्या करिब २ हजार पुगेको छ ।
बीमा समितिको तथ्यांक अनुसार ३६ वटा कम्पनीको १ हजार ९ सय ९७ शाखा स्थापना भएका छन् । अन्य कम्पनीको तथ्यांक भने समितिमा छैन । कम्पनीहरुले शाखा स्थापना गर्नु अघि सम्भाब्यताको अध्ययन गरी समितिसँग स्वीकृति लिनुपर्नेछ । समितिको स्वीकृतिमा मात्रै शाखा संचालन गर्न सक्नेछन् ।
तर, संसदमा प्रस्तुत भएको बीमा विद्येयकमा भने कम्पनीहरुले आफु खुशी शाखा स्थापना गर्न पाउँने व्यवस्था गरिएको छ । नयाँ विद्येयक अनुसार कम्पनीले स्वदेशमा शाखा खोल्नु परेमा बीमा समितिलाई जानकारी दिए पुग्छ भने विदेशमा शाखा खोल्नु परेमा समितिको स्वीकृति लिनुपर्नेछ ।
