साताको पहिलो दिन नेप्सेमा सामान्य अंकले सुधार आएको छ । नेप्सेमा आज सामान्य अंंकको सुधार आएता पनि कारोबार रकम भने धेरै घटेको छ । शेयर बजार ०.९५ अंकले बढेर १,२४९.४९ अंकको बिन्दुमा कायम भएको छ ।
बैंकिङ फाइनान्स, निर्जीवन बीमा समुह, माइक्रोफाइनान्स र उत्पादनमुलक बाहेक सबै उपसुचक घटेका छन् । सबैभन्दा धेरै उत्पादनमुलक समुह २ अंकले घटेको छ ।
दिनभरिमा १ सय ६१ वटा कम्पनीको १० लाख ४२ हजार ६ सय ६४ कित्ता शेयर किनबेच हुदा २८ करोड ५२ लाख १४ हजार ५ सय ७२ रुपैयाँको कारोबार भएको छ । सबैभन्दा धेरै नागरिक लगानी कोष, नेपाल बैंक र मेगा बैंक प्रोमोटर शेयरकोे २ करोड माथिको कारोबार भएको छ ।
त्यसैगरी नेपाल लाइफ इन्स्योरेन्स, चिलिमे हाइड्रोपावर र सिभिल बैंकको १ करोडमाथिको कारोबार भएको छ । अपरतामाकोशी, मेगा बैंकको ९० करोडमाथिको कारोबार भएको छ । प्रभु बैंकको ८२ करोड रुपैयाँको कारोबार भएको छ ।
माहुली सामुदायिक लघुवित्तका लगानीकर्ताले सबैभन्दा धेरै ९ प्रतिशतका दरले कमाएका छन् भने मल्टिपर्पोज फाइनान्सका शेयरधनीले सबैभन्दा धेरै ८ प्रतिशतका दरले गुमाएका छन् ।
