नेपाल क्रेडिट एन्ड कमर्स (एनसीसी) बैंकले आफ्ना शेयरधनीलाई १५ दशमलव ८९ प्रतिशत बोनस शेयर दिने घोषणा गरेको छ । बैंकको आइतबार बिहान बसेको सञ्चालक समिति बैठकले आर्थिक वर्ष २०७४ ७५ को उल्लेख नाफाबाट शेयरधनीलाई १५ दशमलव ८९ प्रतिशत बोनस शेयर र बोनसमा लाग्ने कर तिर्न ० दशमलव ८३ प्रतिशत नगद लाभांश दिने निर्णय गरेको हो ।
बैंकले स्वीकृतीको लागि नेपाल राष्ट्र बैंकमा पेश गर्ने र राष्ट्र बैंकबाट स्वस्कृती भई आएपछि आगामी बार्षिक साधारणसभाबाट पारित भएपछि मात्र शेयरधनीले प्राप्त गर्ने जनाएको छ ।
एनसीसी बैंकको हाल चुक्ता पुँजी ७ अर्ब १ करोड ८५ लाख ८७ हजार रुपैयाँ छ । प्रस्तावित बोनस वितरणपछि पुँजी ८ अर्ब १३ करोड ३८ लाख ४० हजार रुपैयाँ पुग्नेछ ।
