काठमाडौं । चार म्युचुअल फन्डको लाभांश घोषणा गरिएको छ।
प्रभु म्युचुअल फन्डका दुई योजना र सानिमा म्युचुअलको एउटा योजना तथा लक्ष्मी सनराइज म्युचुअल फन्डको एउटा योजनाको आर्थिक वर्ष २०८२।८३ का लागि लाभांश घोषणा गरिएको हो।
योजना व्यवस्थापक प्रभु क्यापिटलले उक्त आर्थिक वर्षका लागि प्रभु सेलेक्ट फन्ड र प्रभु स्मार्ट फन्डका इकाइधनीहरुलाई १२–१२ प्रतिशत नगद लाभांश (करसहित) वितरण गर्ने निर्णय गरेको छ।
यसैगरी योजना व्यवस्थापक सानिमा क्यापिटलले सानिमा ग्रोथ फन्डका इकाइधनीहरुलाई करसहित ५ प्रतिशत नगद लाभांश वितरण गर्ने निर्णय गरेको छ।
त्यस्तै योजना व्यवस्थापक लक्ष्मी सनराइज क्यापिटलले सनराइज फोकस्ड इक्विटी फन्डका इकाइधनीहरुलाई करसहित ४.५ प्रतिशत नगद लाभांश वितरण गर्ने निर्णय गरेको छ।
यी चार वटै बन्दमुखी योजना हुन्।
