काठमाडौं । आर्थिक वर्ष २०८२।८३ का लागि सिद्धार्थ म्युचुअल फन्डका दुई योजनाको प्रतिफल घोषणा गरिएको छ।
योजना व्यवस्थापक सिद्धार्थ क्यापिटलको सोमबार बसेको बैठकले सिद्धार्थ इन्भेस्टमेन्ट ग्रोथ स्किम–२ र सिद्धार्थ इन्भेस्टमेन्ट ग्रोथ स्किम–३ का इकाइधनीहरुका लागि नगद लाभांश वितरण गर्ने निर्णय गरेको हो। जसअनुसार सिद्धार्थ इन्भेस्टमेन्ट ग्रोथ स्किम–२ का इकाइधनीहरुलाई ८ प्रतिशतले हुन आउने ९ करोड ६० लाख रुपैयाँ र सिद्धार्थ इन्भेस्टमेन्ट ग्रोथ स्किम–३ इकाइधनीहरुलाई १० प्रतिशतले हुन आउने ८ करोड ५ लाख ८० हजार रुपैयाँ नगद लाभांश (करसहित) वितरण गरिने क्यापिटलले जनाएको छ।
प्रस्तावित नगद लाभांश वितरणार्थ बुक क्लोजको मिति पछि प्रकाशन गरिने क्यापिटलले जनाएको छ।
