काठमाडौं । नेशनल हाइड्रोपावरले आफ्नो २९औँ वार्षिक साधारणसभा आगामी असार ३१ गते गर्ने भएको छ। साधारणसभा बिहान ११ बजे काठमाडौंको कालिकास्थानस्थित अमृत भोग क्याटरिङमा बस्नेछ।
सभाले आर्थिक वर्ष २०८१/८२ को वार्षिक प्रतिवेदन, लेखापरीक्षकको प्रतिवेदनसहितको वित्तीय विवरण, नाफा–नोक्सान हिसाब तथा नगद प्रवाह विवरणमाथि छलफल गरी पारित गरिने प्रस्ताव पारित गर्नेछ ।
त्यसैगरी, सभाले आगामी आर्थिक वर्षका लागि लेखापरीक्षक नियुक्ति तथा पारिश्रमिक निर्धारण गर्ने, सञ्चालक समितिमा एक महिला सहित सात जना सञ्चालकको निर्वाचन गर्ने लगायतका प्रस्तावहरू अनुमोदन गर्नेछ ।
कम्पनीले साधारण सभाका लागि असार १६ गते एक दिनका लागि शेयर दर्ता किताब बन्द (बुक क्लोज) गर्ने भएको छ । त्यसकाण असार १५ गतेसम्म नेपाल स्टक एक्सचेञ्जमा कारोबार भई कायम रहेका शेयरधनीहरूले सभामा सहभागी हुन सक्नेछन् ।
