काठमाडौं । मध्यपूर्वमा जारी तनावले एयरलाइन्स बीमा बजारका लागि चिन्ताका तीन क्षेत्र बढाएको छ।
डब्ल्यूटीडब्ल्यूको हालैको प्रतिवेदन ‘एयरलाइन्स बीमा बजार नवीकरण दृष्टिकोणः दोस्रो त्रैमास २०२६’अनुसार चिन्ताका तीन क्षेत्रमा तत्काल सञ्चालन अवरोध, बढ्दो क्षेत्रीय जोखिम र विश्वव्यापी उड्डयन बीमा क्षेत्रमा ठूलो प्रभाव छन्। ‘जब लडाइँ सुरु भयो तब मध्यपूर्वका आन्तरिक बाह्य क्षेत्रमा सेवा सञ्चालन गर्ने एयरलाइन्सहरु उडान रद्द गर्न र सञ्चालन निलम्बन गर्न बाध्य भए’, प्रतिवेदनमा भनिएको छ, ‘यसले गर्दा ठूलो रसद कठिनाइहरु सिर्जना भए।’
यसका बाबजुद बीमा कम्पनीहरु, बीमा दलालहरु र वाहकहरुले जानकारी साझा गर्न, जोखिमहरु बुझ्न र उपयुक्त बीमा कभरेज कायम राखिएको सुनिश्चित गर्न सँगै काम गरेको प्रतिवेदनमा उल्लेख छ। ‘प्राथमिकता स्वदेश फिर्ती उडानहरुलाई सहजीकरण गर्नु थियो’, प्रतिवेदनमा भनिएको छ, ‘यो द्रुत गतिमा विकसित घटनाहरुको पृष्ठभूमिमा एउटा कठिन प्रक्रिया थियो।’
विशेषगरी बीमा प्रिमियम र सञ्चालन लागतको सन्दर्भमा युद्धविरामले तत्काललाई तनाव कम पनि जोखिमहरु उच्च रहेको प्रतिवेदनमा उल्लेख छ। ‘अस्थायी रुपमा केही अतिरिक्त बीमा प्रिमियम शुल्कहरु घटाएको छ’, प्रतिवेदनमा भनिएको छ, ‘यसले पहिले नै कम यात्रु माग र बढ्दो इन्धन लागतसँग जुधिरहेका एयरलाइन्सहरुलाई केही राहत प्रदान गरेको छ।’
प्रतिवेदनअनुसार सुधारिएको सञ्चार र रियल टाइम डाटा साझेदारीले बीमा उद्योगको प्रतिक्रियालाई बलियो बनाएको छ। ‘सरोकारवालाहरु अब रियल टाइममा अझ नजिकबाट अन्तर्क्रिया गर्न सक्छन्’, प्रतिवेदनमा भनिएको छ, ‘यसले गर्दा बीमा इकोसिस्टमभित्र अधिक सूचित, स्पष्ट र राम्रो सञ्चार हुन्छ। यद्यपि, मध्यपूर्व क्षेत्रमा कम उडान गतिविधिले बीमा कम्पनीहरुको आम्दानीलाई असर गर्न सक्छ। किनकि मध्यपूर्वमा निर्धारित उडानहरुमा कमीको अर्थ सन् २०२६ मा अन्डरराइटरहरुको कमाएको प्रिमियम घट्ने हुन सक्छ।’
प्रतिवेदनमा भूराजनीतिक अस्थिरताले क्षेत्रभरि मूल्य निर्धारण र अन्डरराइटिङ रणनीतिहरुलाई असर गर्ने चेतावनी दिइएको छ। विशेषगरी सन् २०२५ मा ठूलो दाबीपछि प्रमुख एयरलाइन्स अन्डरराइटिङ अझै पनि छानबिनमा रहेको अवस्थामा बीमा कम्पनीहरुले बढ्दो जोखिमको प्रतिक्रिया दिने भएकाले हल युद्ध बीमा अझ कडा हुने अपेक्षा गरिएको छ।
यी दबाबका बाबजुद प्रतिवेदनमा उद्योगको सहयोगी प्रतिक्रिया प्रभावकारी रहेको निष्कर्ष निकालिएको छ। प्रतिवेदनमा भनिएको छ, ‘एयरलाइन्स र तिनका बीमा साझेदारबीचको सम्बन्धको बलले सबैलाई परिवर्तनशील र अनिश्चित वातावरणमा आफ्नो सर्वोत्तम फाइदाका लागि निर्णय लिन मद्दत गरेको छ।’ –एजेन्सी
