काठमाडौं । देशभरि र विशेषगरी तराई क्षेत्रमा गर्मीको लहर जारी छ। गर्मीका कारण मानिसहरुले धेरै समस्याहरुको सामना गरिरहेका छन्।
गर्मी मौसममा घामको तापले सडकमा कार वा बाइक चलाउन गाह्रो हुन्छ। मानौँ कि तातो चीजमा पाइला टेक्दा सम्पूर्ण शरीर तातो हुन्छ। त्यसैगरी चर्को गर्मीमा तातो सडकमा कार वा बाइक–स्कुटरका लागि धेरै खतराहरु छन्।
यदि तपाइँले तातो सडकमा कार वा अन्य कुनै दुईपांग्रे सवारीसाधन चलाउनुभयो भने टायर फुट्ने डर हुन्छ। इन्जिन धेरै तातो हुन सक्छ। ब्रेक फेल हुन सक्छ र माइलेजमा ठूलो गिरावट आउन सक्छ। कारभित्र बसेका यात्रु र चालकलाई पनि थकान र तिर्खालगायत धेरै समस्या सामना गर्न सक्छ।
यस्तो अवस्थामा चर्को गर्मीमा तातो सडकमा गाडी चलाउँदा सावधान रहनु र टायरको हावाको चाप, कुलेन्ट र इन्जिन आयलको स्तर जाँच गरिरहनु उचित हुन्छ।
टायर फुट्ने डर
तातो सडकमा चलाउँदा सबैभन्दा ठूलो खतरा टायरहरुको हुन्छ। तातो सडकसँग सम्पर्क गर्दा टायरको तापक्रम धेरै बढ्छ। यसले टायरभित्रको हावा फैलिन्छ र हावाको चाप बढ्छ। अत्याधिक गर्मीले टायरको रबरलाई नरम बनाउन सक्छ। ट्रेड सेपरेसनका कारण टायर फुट्ने जोखिम बढ्छ। हामीले धेरै समाचार पनि सुनेका छौँ कि कार वा बाइकको टायर अचानक फुट्छ। गर्मीको कारणले टायरहरु पनि चाँडै बिग्रन्छन्।
अत्यधिक गर्मीमा सवारीसाधनको ब्रेक फेल हुने जोखिम पनि हुन्छ। लगातार ब्रेक लगाउनाले ब्रेक प्याड र डिस्क वा ड्रमहरु धेरै तातो हुन्छन्। सडकको तापले यो प्रक्रियालाई अझ तीव्र बनाउँछ।
इन्जिन धेरै तातो हुने जोखिम
गर्मीमा तातो सडकमा गाडी चलाउनु पनि इन्जिनका लागि हानिकारक हुन्छ। इन्जिन पहिले नै तातो हुन्छ। त्यसपछि बाहिरको तापक्रम र सडकको ताप बढ्दा इन्जिनले चिसो रहन कडा परिश्रम गर्नुपर्छ। कुलिङ सिस्टममा बढी दबाब हुन्छ। यदि कुलिङ सिस्टममा रहेको रेडिएटर, कुलेन्ट र फ्यानले राम्ररी काम गरिरहेको छैन वा कुलेन्टको स्तर कम छ भने इन्जिन धेरै तातो हुन सक्छ। अत्याधिक गर्मीका कारण इन्जिनको पफर्मेन्स पनि घट्न सक्छ। गर्मीमा कारको माइलेज पनि घट्छ।
गर्मीबाट बच्न कारमा एसी बढी प्रयोग गर्नुपर्छ। एसी कम्प्रेसरले इन्जिनमा बढी भार पार्छ। जसले इन्धन खपत बढाउँछ र माइलेज घटाउँछ। यी कुराहरुलाई ध्यानमा राखेर गर्मीमा सुरक्षित र आरामसँग गाडी चलाउनुपर्छ।
