काठमाडौं । फ्रान्सेली पुनर्बीमक सिसिआर रि आधिकारिक रूपमा अरूण्डो रि मा परिणत भएको छ। एसएमएबिटिपि र एमएसिएसएफ मिलेर बनेको कन्सोर्टियमले फर्ममा बहुमत शेयरहोल्डिङको अधिग्रहण पुरा गरेको १८ महिना पछि यसको नाम परिवर्तन भएको हो।
सन् २०१६ मा स्थापित, सिसिआर रि सार्वजनिक क्षेत्रको पुनर्बीमक सिसिआरको पुनर्बीमा गतिविधि लिनको लागि स्थापित भएको थियो, र जनवरी १, २०१७ मा सन्धि नवीकरण र सिसिआरको खुला बजार पोर्टफोलियोको हस्तान्तरणसँगै सञ्चालन शुरू गरेको थियो।
वर्षौंको दौडान, पुनर्बीमा कम्पनी विस्तार भएको छ र २०२३ को सुरुमा,सिसिआरले सिसिआर रि को नियन्त्रण हस्तान्तरण गर्न र यसको पूँजी २ अर्ब युरोले वृद्धि गर्न एसएमएबिटिपि र एमएसिएसएफसँग पूँजी लगानीको सम्झौता गरेको थियो।
गत वर्षको जुलाईमा भएको शेयर कारोबारसँगै दुई बहुमत शेयरधारकले एकैसाथ सिसिआर रि को पूँजीको ७५ प्रतिशत खरिद गरे। अब सिसिआरको स्वामित्व २५ प्रतिशतमा सीमित हुन पुगेको छ।
सन् २०२३ को लागि,यो पुनर्बीमकले उच्च प्राकृतिक प्रकोप घाटाको बावजुद ९६।६५ को संयुक्त अनुपात उत्पादन गर्यो, र १ अर्ब युरो बराबरको कारोबारको कोशेढुङ्गा पार गर्न सफल भएको थियो।
