काठमाडौं । सरकारले सामाजिक सुरक्षा कोषबाटै योगदानकर्ताहरुको स्वास्थ्य बीमा गराउने व्यवस्था मिलाउने भएको छ।
आगामी आर्थिक वर्षको बजेट संयुक्त सदनमा प्रस्तुत गर्दै अर्थमन्त्री वर्षमान पुनले यस्तो घोषणा गरेका हुन्। सामाजिक सुरक्षा कोषमा आबद्ध योगदानकर्तालाई कोषबाटै स्वास्थ्य बीमा गराउने व्यवस्था मिलाइने उनले जानकारी दिए।
सामाजिक सुरक्षा कोष र स्वास्थ्य बीमा कार्यक्रमबीच अन्तरआबद्धा गरेर कोषमा सहभागी योगदानकर्ताको स्वास्थ्य बीमा सुरक्षा कोषमार्फत गरिने व्यवस्था गरिने मन्त्री पुनले जानकारी दिए।
