काठमाडौं । आजको समयमा हाम्रो जीवनशैली धेरै जटिल छ। खानपानदेखि सुत्ने र उठ्ने सबैको व्यवस्था नै बिग्रिएको छ। जसका कारण कैयौँ गम्भीर रोगले पनि हामीलाई सिकार बनाउँछ।
कुनै सामान्य रोग भएमा हाम्रो हेल्थ इन्स्योरेन्सले कभर गर्छ। तर, क्यान्सर र हृदयाघातजस्ता गम्भीर रोगमा यो उपयोगी छैन। यस्तो अवस्थामा क्रिटिकल इलनेस कभरको आवश्यकता पर्छ।
क्रिटिकल इलनेस इन्स्योरेन्स के हो ?
आजकल धेरै सामान्य रोगको उपचारमा लाखौँ रुपैयाँ खर्च हुने गरेको छ। यस्तो अवस्थामा क्यान्सर वा मुटुको रोग लागेमा राम्रो कमाउनेको सबै बचत एकै झट्कामा सकिन्छ। क्रिटिकल इलनेस इन्स्योरेन्सले हामीलाई त्यस्ता परिस्थितिमा मद्दत गर्दछ। यसले हृदयघात, क्यान्सर, मिर्गौला फेल, पक्षघात, ट्युमर, कोमा र अंग प्रत्यारोपणजस्ता समस्याको उपचार गर्दछ। यी रोगले शरीरका महत्त्वपूर्ण अंगहरुलाई नोक्सानी पुर्याउँछन् र तिनको उपचारमा लामो समय लाग्छ।
यसको सबैभन्दा ठूलो फाइदा यो हो कि यसले गम्भीर रोगका लागि कभरेज प्रदान गर्दछ। गम्भीर बिरामी भएमा बीमा कम्पनीले बीमितलाई एकमुष्ट रकम पनि तिर्न सक्छ। यसबाट राम्रो अस्पतालमा उपचार गराउन सकिन्छ। बीमा दाबी गर्ने प्रक्रिया पनि धेरै सजिलो छ।
क्रिटिकल इलनेस इन्स्योरेन्सले हृदयघात, पक्षघात, क्यान्सर, अंग प्रत्यारोपण र ब्रेन ट्युमरजस्ता समस्यालाई समेट्छ। यद्यपि, यदि तपाइँ क्रिटिकल इलनेस इन्स्योरेन्स पोलिसी लिँदै हुनुहुन्छ भने तपाइँको परिवारको मेडिकल हिस्ट्रीलाई ध्यानपूर्वक विचार गर्नुहोस्। यसले तपाइँलाई कुन रोगलाई बढी प्राथमिकता दिनुपर्छ भन्ने कुराको जानकारी दिनेछ।
