काठमाडौं । सगरमाथा लुम्बिनी इन्स्योरेन्स कम्पनी (सलिको)ले सीएआर/ईएआर बीमालेखको समयावधि थप्ने कार्य एक महिनाअघि नै गर्न बीमितहरुलाई आग्रह गरेको छ।
सलिकोले आज एक सूचना गर्दै यस्तो आग्रह गरेको हो। साविक सगरमाथा र लुम्बिनी जनरल इन्स्योरेन्सबाट विगतका वर्षहरुमा इन्जिनियरिङ पोर्टफोलियोअन्तर्गत ठेक्का तथा परियोजनाहरुका सीएआर/ईएआर बीमालेखाहरु जारी भएका थिए। नेपाल सरकारद्वारा जारी गरिएको ‘सार्वजनिक खरिद तेह्रौं संशोधन नियमावली, २०८०’ बमोजिम त्यस्ता बीमालेख समयावधि थप गर्नुपर्ने भएमा सो कार्य हुन कम्तीमा १ महिनाको समय लाग्ने सलिकोले जनाएको छ।
त्यसैले त्यस्ता बीमालेखको म्याद समाप्ती हुनुभन्दा कम्तीमा १ महिना अगावैको समयमा व्यवस्थापन गरी सलिकोका बीमालेख जारी भएका सम्बन्धित शाखाहरुमा सम्पर्क राखी समय थपसम्बन्धी कार्य गर्न बीमितहरुलाई सूचनामार्फत आग्रह गरिएको छ।
