काठमाडौं । स्वास्थ्य बीमा बोर्डले चैत १ गतेबाट बीमा व्यवस्थापन सूचना प्रणाली(आइएमआइएस) लागू गर्ने भएको छ । यसका लागि स्वास्थ्य बीमा कार्यक्रममा आबद्ध सबै सेवा प्रदायक स्वास्थ्य संस्थाहरुलाई भौतिक, जनशक्ति लगायतका आवश्यक पर्ने पूर्वाधारहरुको व्यवस्थापन गर्नका लागि बोर्डले आग्रह गरेको हो ।
बोर्डले स्वास्थ्य बीमामा आबद्ध नागरिकहरुले सेवा लिए वापतको सोधभर्ना भुक्तानीका लागि बीमा व्यवस्थापन सूचना प्रणाली लागू गर्न लागेको हो । सो मितिबाट लागू हुनेगरि वास्तविक समयमा दाबी गरिसक्नुपर्ने व्यवस्था गर्न लागेको हुनाले सोही बमोजिम वास्तविक समयमा दाबी गर्न सक्ने गरि आवश्यक पुर्वाधार व्यवस्थापन गर्न आग्रह गरेको हो ।
