काठमाडौं । बगलादेशमा केन्द्र सरकारको कोषमा घट्दो विदेशी मुद्रा संचितीसँगै पुनर्बीमा बीमाशुल्क भुक्तानी संकट चुलिएको छ । बंगलादेशी बीमकले विदेशी पुनर्बीमकलाई लामो समयदेखि पुनर्बीमा शुल्क भुक्तानी गर्न सकेका छैनन् ।
अमेरिकी डलरको चुलिंदो सङ्कटका कारण बक्यौता बढेकाले बंगलादेशी ठूला परियोजना र ठूला उद्योगलाई पुनर्बीमा सुरक्षाविहीन अवस्थामा छोडेर विश्वव्यापी पुनर्बीमकहरूलाई बाहिरिन बाध्य बनाउने भन्दै स्थानीय बीमकले चिन्ता जाहेर गरेको द बिजनेस स्ट्यान्डर्डले उल्लेख गरेको छ।
बंगलादेशको बीमा नियामक, बीमा विकास र नियामक प्राधिकरण (आइडीआरएआइ) को एक कागजातले सेप्टेम्बर २०२२ को अन्त्यसम्ममा विदेशी पुनर्बीमकलाई २० करोड अमेरिकी डलर भुक्तानी गर्न बाँकी रहेको थियो । बंगलादेशी बीमकहरू अग्नी बीमा, सामुद्रिक बीमाका लागी विदेशी पुनर्बीमकमा निर्भर छन्।
स्थानीय रिलायन्स इन्स्योरेन्स कम्पनीका प्रबन्ध निर्देशक खालिद ममुनलाई उद्घृत गर्दै द बिजनेश स्टाण्डर्डले बीमकहरुले निरन्तर पुनर्बीमा सम्झौता खारेजीको पत्र विदेशी पुनर्बीमकबाट प्राप्त गरिरहेको उल्लेख गरेको छ।
