काठमाडाैं । बंगलादेशी पुनर्बीमक साधारण बीमा कर्पोरेशनले पुनर्बीमा दाबी भुक्तानी गर्नका लागी बीमाशुल्क आम्दानीकाे वित्तीय विवरण नै परिवर्तन गरेकाे खुलासा स्थानीय सञ्चार माध्यमले गरेकाे छ। कर्पाेरेशनले मर्केण्टाइल इस्लामी इन्स्याेरेन्स पिएलसीलाई अग्नी बीमावापतकाे पुनर्बीमा दाबी भुक्तानी गर्न नक्कली खाता विवरण तयार पारेर पुरानाे मितिमा बीमाशुल्क आम्दानी देखाएकाे खुलासा भएकाे हाे ।
इन्स्याेरेन्सन्यूज बंगलादेशका अनुसार विदेशी पुनर्बीमकबाट दाबी प्राप्त हुने अग्नी बीमा अन्तर्गतकाे फ्याकलटेटिभ बीमाका लागी मर्केण्टाइल इस्लामी इन्स्याेरेन्सले कर्पाेरेशनलाई भुक्तानी दिनुपर्ने बीमा करार नविकरणवापतकाे बीमाशुल्क भुक्तानी दिएकाे थिएन । बीमाशुल्क भुक्तानी नभएपछि अग्नी पुनर्बीमा अन्तर्गतकाे रक्षावरण स्वतः खारेज हुन पुगेकाे थियाे ।
कर्पाेरेशनकाे व्यवसाय विकास तथा ग्राहक सेवा समितिको बैठकले फ्याकल्टेटिभ बीमावापतकाे बीमाशुल्क प्राप्त नभएकाले फ्याक्लेटिभ भागको पुनर्बीमाको दाबी नलाग्ने भन्दै बीमा दाबी अस्वीकृत गर्ने निर्णय गरेकाे थियाे । यस्ताे निर्णय भएकाे एक महिना पछि पुनः कर्पाेरेशनले पुनर्बीमावापतकाे बीमाशुल्क आम्दानी भएकाे फर्जी लेखा विवरण तयार पारेर मर्केण्टाइल इस्लामी इन्स्याेरेन्सलाई दाबीवापत ४१ कराेड बंगलादेशी टाका भुक्तानी गर्ने निर्णय गरेकाे छ।
न्यूजका अनुसार यस्ताे खुलासासँगै किन र कसरी दाबीहरू स्वीकृत हुन्छन् भन्ने विषयलाई बंगलादेशकाे बीमा उद्योगमा व्यापक बहसलाई जन्म दिएको छ।
अनुसन्धानका अनुसार मर्केन्टाइल इन्स्योरेन्सले जनरल इन्स्योरेन्स कर्पोरेशनमा ८३ करोड २६ लाख २७ हजार ५६६ रुपैयाँ पुनर्बीमा दाबी गरेको छ । जसमध्ये अधिशेष सन्धि भागको ४१ करोड १७ लाख ३८ हजार ५६५ र फ्याल्टेटिभ भागको ४० करोड ३५ लाख ३ हजार ७९३ रुपैयाँ रहेको छ ।
अप्रिल २९, २०२० मा, मर्केन्टाइल इन्स्योरेन्सले ट्रेड इन्टरनेशनल इन्डस्ट्रिज लिमिटेडको नाममा १०० करोड रूपैयाँको अग्नि बीमालेख विरुद्ध यो पुनर्बीमा दाबी गरेकाे थियाे । जनवरी ३, २०२१ मा ट्रेड इन्टरनेशनल इन्डस्ट्रिज लिमिटेड आगलागीमा परेको थियो । यस आगलागीमा सर्भेयरले ८३ करोड २६ लाख २७ हजार ५६६ रुपैयाँको क्षतिकाे अनुमान सहित प्रतिवेदन दिएकाे थियाे ।
मर्केन्टाइल इन्स्योरेन्सले उक्त १०० करोड रुपैयाँको आगलागी बीमा योजनामध्ये १ करोड रुपैयाँको जोखिम कायम राखेको र बाँकी ९९ करोड रुपैयाँको कर्पाेरेशनमा पुनर्बीमा गरेको थियाे । जसमध्ये ५० करोड रुपैयाँ बचत सन्धिअन्तर्गत पुनर्बीमा भएको छ । र फ्याकल्टेटिभ अन्तर्गत बाँकी ४९ करोड रुपैयाँको पुन: बीमा गरिएको छ।
अधिशेष सन्धि अन्तर्गत कुनै बीमालेखको पुनर्बीमा गरिसकेपछि पनि सो बीमालेखकाे जोखिम बढी भएमा फ्याकल्टेटिभ पुनर्बीमा अन्तर्गत पुनर्बीमा गरिन्छ। विश्वमै फ्याल्टेटिभ पुनर्बीमा बीमाशुल्क उधाराे हुने भन्ने हुँदैन। बीमाशुल्कवापतकाे रकम फ्याकल्टेटिभ पुनर्बीमा गरिएको दिनमा भुक्तान गरिन्छ।
कर्पाेरेशनकाे व्यवसाय विकास तथा ग्राहक सेवा समितिको १७८ औँ बैठकले मर्केन्टाइल इन्स्योरेन्सको पुनर्बीमा दाबीमध्ये बचत सम्झौता अंशको ४१ करोड १७ लाख ३८ हजार ५६५ रुपैयाँको पुनर्बीमा दाबी असुली स्वीकृत गरेको छ । तर, फेब्रुअरी १५ मा बसेकाे सोही बैठकले बीमाशुल्क भुक्तानी नभएका कारण फ्याल्टेटिभ अंशको ४९ करोड रुपैयाँ पुनर्बीमामा असुली हुन नदिने निर्णय गरेको थियाे । फेब्रुअरी २८ गते बसेको ६६१ औँ सञ्चालक समितिको बैठकले बचत भएको सन्धिको अंश असुलीलाई स्वीकृत गर्दै फ्याल्टेटिभ पुनर्बीमा बीमाशुल्क नतिरेको विषयमा पुनः जाँच गर्ने निर्णय गरेको थियो ।
पुनर्बीमा लेखा विभागको राय अनुसार मर्केन्टाइल इन्स्योरेन्सले २०२० मा २० लाख रुपैयाँ पुनर्बीमा बीमाशुल्क भुक्तानी गरेको छ । याे रकम मर्केन्टाइल इन्स्योरेन्सको ७ फ्याकल्टेटिभ पुनर्बीमाको बीमाशुल्कवापत थियाे। प्रतिवेदनमा उल्लेखित याे विषय प्रमाणित गर्नका लागी डिसेम्बर ३१, २०२० मा कर्पाेरेशनका पुनर्बीमा शुल्क संकलन विवरणको स्तम्भकाे क्रम संख्या ७ र ८ को बीचमा एक संख्या नभएको स्तम्भ सिर्जना गरिएको छ। त्यो संख्या नभएको स्तम्भमा, ७ वटा नक्कली भाैचरमार्फत् कुल बीमाशुल्क भुक्तानी १८ लाख ८१ हजार २२५ देखाइएको छ। जसमध्ये ट्रेड इन्टरनेशनलको नीति (फ्याक स्लिप नम्बर ०७/२०२०) विरुद्ध जारी गरिएको फ्याकल्टेटिभ बीमाशुल्ककाे ४ लाख ४ हजार ७५० रुपैयाँ रहेको छ ।
