नेपाल पुर्नर्बीमा कम्पनीले जेठ ३१ गते चौथो वार्षिक साधारण सभा गर्ने भएको छ । कम्पनीको जेठ ९ पते बसेको संचालक समितिको बैठकले सो साधारण सभा गर्ने निर्णय गरेको हो ।कम्पनीले होटल हिमालय पुल्चोकमा अपराह्न ५ बजे सभा आह्वान गरेको हो ।
सभामा संचालक समिचितको तर्फबाट प्रस्तुत आर्थिक वर्ष २०७४ /७५ को बार्षि प्रतिवेदनमाथि छलफल पारित गर्ने छ । साथै, आर्थिक वर्ष २०७४ /७५ को लेखाप्रतिवेदन, वासलात तथा नाफा नोक्सान सहितको आर्थिक प्रतिवेदन छलफल पारित गर्ने । त्यसैगरी आर्थिक वर्ष २०७५ /७६ को लेखा परिक्षण गर्न लेखापरिक्षण समितिले सिफारिस गरे बमोजिम लेखा परिक्षकको नियुक्ति गर्ने निर्णय समेत सभामा हुने छ ।
उक्त साधारण सभामा सञ्चालक समितिको निर्णय अनुसार चन्दा तथा सामाजिक उत्तरदायित्व अन्तर्गत खर्च अनुमोदन गर्ने र नेपाल सरकार, नियामक निकाय तथा कम्पनी रजिष्ट्रारको कार्यालय वा अन्ष् कुनै निकायबाट कम्पनीको प्रबन्धपत्र तथा नियमावली संसोधन गर्न निर्देशन आएमा सम्पूर्ण अधिकार सञ्चालक समितिलाई प्रदान गर्ने विशेष प्रस्ताव रहेको छ ।
