काठमाडौं । स्वास्थ्य बीमा कार्यक्रमलाई कार्यान्वयन गर्ने पक्ष राम्रो नदेखिएको स्वास्थ्य तथा जनसंख्या मन्त्री मोहनबहादुर बस्नेतको भनाई छ । उनले एक कार्यक्रममा बोल्दै स्वास्थ्य बीमा कार्यक्रम राम्रो भएतापनि यसलाई प्रभावकारी ढंगले अगाडी बढाउन नसकेको बताएका हुन् ।
स्वास्थ्य बीमामा अझै पनि थुप्रै समस्या रहेको मन्त्री बस्नेत बताउँछन् । उनका अनुसार, स्वास्थ्य बीमामा र औषधिमा एकरुपता नभएको,बीमागरेको बिरामीप्रति अस्पतालहरुले दोस्रो दर्जाको रुपमा हेर्ने गरेको, र स्वास्थ्य बीमा कार्यक्रम राम्रो रहेको तर कार्यान्वयन गर्ने पक्ष त्यत्ति धेरै राम्रो नभएको उनको भनाई छ । यो विषयमा अफूले सम्बन्धित व्यक्तिहरुसँग कुरा गरेर कसरी यसलाई प्रभावकारी रुपमा अगाडी पढाउने भन्ने बारे छलफल गर्दै आएको बताए ।
यस कार्यक्रमलाई सफलतापूर्वक सम्पन्न गर्ने र बजेटको आकार ठूलो बनाएर छिट्टै यसलाई टुङ्ग्याउनुपर्ने र बीमा गरेकाहरुको उपचारमा सरलीकरण गर्नुपर्ने बाध्यता रहेको उनले बताए । यसका लागि नयाँ आर्थिक वर्षमा बजेट भने नथपिएको मन्त्री बस्नेतको भनाई छ ।
