काठमाडौं । स्वास्थ्य बीमा बोर्डले करारमा कर्मचारी माग गरेको छ । बोर्डले ५५ जना करारमा कर्मचारी माग गरेको हो । योग्यता पुगेका नेपाली नागरिकलाई सूचना प्रकाशन भएको १५ दिनभित्र आवेदन पेशा गर्न बोर्डले अनुरोध गरेको छ ।
करारमा नियुक्त भएका करार कर्मचारीले स्वास्थ्य बीमा कार्यक्रम लागू भएका जिल्लाहरु, स्थानिय तहहरुमा गएर काम गर्नुपर्ने हुन्छ । न्यूनतम शैक्षिक योग्यतामा भने मान्यता प्राप्त शिक्षण संस्थाबाट स्नातक तह वा सो सरह उत्तीर्ण गरेको हुनुपर्नेछ । आवेदकको उमेर भने आवेदन दिने अन्तिम मितिसम्ममा २१ वर्ष पूरा भई ३५ वर्ष र महिलाको हकमा भने ४० वर्ष ननाघेको हुनुपर्नेछ ।
आवेदन फारम भने बोर्डको बेबसाइटबाट डाउनलोड गर्न सकिनेछ । राष्ट्रिय वाणिज्य बैंकमा ५ सय रुपैयाँ बुझाई सक्कल दस्तुरका साथ नेपाली नागरिकता, शैक्षिक योग्यता, तालिम तथा अनुभवका प्रमानपत्रको प्रतिलिपि सहित बोर्डको केन्द्रिय कार्यालयमा बुझाउनुपर्ने ।
आवेदकले लिखित परीक्षा, कम्प्युटर सीप परीक्षण तथा अन्तर्वार्ता दिनुपर्ने हुन्छ । उक्त परीक्षा भने २०८० असार २ गते शनिबारका दिन परीक्षा केन्द्र र समय प्रकाशन गरिने बोर्डले जनाएको छ ।
