वर्ष २०७९ मा बीमा क्षेत्रमा जारी भएका नीतिगत व्यवस्था

काठमाडौं । आर्थिक वर्ष २०७९ /८० मा बीमा क्षेत्रले ठुलो फड्को मारेको छ । यस वर्ष बीमा ऐन जारी भएसँगै बीमा क्षेत्र व्यवस्थित बनेको छ । तर बीमा ऐन जारी भएपनि नेपाल सरकारले बीमा नियमावली जारी नगर्दा नेपाल बीमा प्राधिकरणले कुनै पनि नयाँ निर्देशिकाहरु निर्माण गर्न सकिरहेको छैन् । नेपाल बीमा प्राधिकरणको नियमावली नबनेता पनि ऐनमा बाँझिने खालका पुर्व निर्देशिकाहरुलाई संशोधन गरेको छ । साथै, प्राधिकरणले कतिपय निर्देशिकामा नयाँ ऐन अनुसारको व्यवस्थालाई समायोजन गरेर जारी गरेको छ ।

३० वर्षपछि बीमा क्षेत्रले नयाँ ऐन पाएको छ । बीमा क्षेत्रका पछिल्ला विद्यमान व्यवस्थालाई समेटने गरी बीमा ऐन २०७९ आएको छ । ३० वर्ष अगाडी आएको ऐनले बीमा बजारलाई नियमन गरेपनि पछिल्ला व्यवस्थालाई समेटन सकेको थिएन् । बीमा प्राधिकरणकोे नयाँ बीमा ऐन आउनुअघि प्राधिकरणले संस्थागत शुसासन निर्देशिकाहरु जारी गरेपनि बीमा कम्पनीहरुले उक्त निर्देशिकालाई अटेर गरिरहेका थिए । अब बीमा ऐन २०७९ जारी भएसँगै बीमा कम्पनीहरुले प्राधिकरणले जारी गरेको हरेक संस्थागत शुसासन निर्देशिकाहरु पुर्ण रुपमा पालना गर्न बाध्य भएका छन् । नयाँ बीमा ऐन आएसँगै बीमा क्षेत्र कानुनी दायरामा समेटिएको छ ।

नयाँ ऐनले बीमा प्राधिकरणको संचालक समितिमा महिलाको प्रतिनिधित्व अनिवार्य हुनुपर्ने प्रावधान राखिएको छ । त्यसैगरी स्वार्थ बाझिने गरी कुनै पनि उद्यममा बीमकको संचालक, प्रवद्र्धक, आधारभूत शेयरधनीसँग कुनै पनि किसिमको संयुक्त लगानी गर्न रोक लगाएको छ ।मर्जरका विषयमा पनि ऐनले व्यवस्था गरेको छ । यस नयाँ बीमा ऐन भित्र नियमन, व्यवस्थापन र कसुर सम्बन्धी व्यवस्था गरेको छ। बीमा समितिले कर्मचारीको दरबन्दी र आफ्नो सुविधा बाहेक अन्य सम्पुर्ण कार्य गर्न पाउने भएको छ । यो ऐनले बीमा क्षेत्रका जुनसुकै विषयमा बीमा प्राधिकरणले सूचना पाउने हक सिर्जना गरिदिएको छ । लेखापरीक्षकले गरेका गल्तीका विषयमा समेत बीमा प्राधिकरणले आइक्यानलाई पत्र पठाएर कारबाहीका लागि सिफारिस गर्ने हैसित बनाएको छ । बीमा ऐन २०७९ ले बीमा क्षेत्रका सरोकारवाला सम्पुर्ण पक्षहरुलाई समेटेको छ ।
बीमा ऐन

आर्थिक वर्ष २०७९ मा बीमा क्षेत्रमा भएका नीतिगत व्यवस्थाहरु
आर्थिक वर्ष २०७९/०८० मा प्राधिकरणले जारी गरेको परिपत्र
खाद्यान्न बाली बीमालेख जारी गरिएको सम्बन्धमा ।
टिमुर खेती तथा मेन्था खेती बीमालेख जारी गरिएको सम्बन्धमा
AML/CFT Circular-1
बीमकहरुलाई निर्देशन गरिएको बारे
संशोधन सम्बन्धमा
बाख्रा बीमालेख संशोधन गरिएको बारे
बीमालेखको जोखिमंकन तथा दाबी भुक्तानी प्रक्रियामा प्रचलित कानुन तथा समितिबाट जारी निर्देशनहरुको पूर्णत:पालन गर्ने सम्बन्धमा