काठमाण्डाैं । कर्मचारी संचय काेषले एक वर्षकाे अवधिमा सामाजिक सुरक्षावापत सञ्चयकर्ता कर्मचारी र तिनकाे आश्रित परिवारलाई ४१ कराेड रुपैयाँभन्दा बढी रकम वितरण गरेकाे छ । संचय काेषले आर्थिक वर्ष २०७८-७९ मा स्वास्थ्योपचार, दुर्घटना क्षतिपूर्ति, सुत्केरी तथा शिशु हेरचाह र काजकिरिया खर्च कार्यक्रम अन्तर्गत याे रकम वितरण गरेकाे हाे ।
काेषले गत आवमा सबैभन्दा धेरै रकम औषधोपचार खर्चवापत वितरण गरेकाे छ । सञ्चयकर्ता औषधोपचार कार्यक्रम अन्तर्गत २ हजार ९८ जना सञ्चयकर्तालाई १७ करोड १४ लाख रुपैयाँ वितरण गरिएको काेषले उल्लेख गरेकाे छ ।
सामाजिक सुरक्षा कार्यक्रम अन्तर्गत दाेश्राे ठूलाे रकम सुत्केरी तथा शिशु स्याहारका लागी वितरण गरिएकाे छ । कूल १९ हजार २ सय ५४ सञ्चयकर्तालाई १४ करोड ४४ लाख रुपैयाँ भन्दा बढी रकम वितरण गरिएकाे काेषले जनाएकाे छ ।
त्यसैगरी दुर्घटना क्षतिपूर्ति अन्तर्गत ४ सय २४ जना सञ्चयकर्तालाई ८ करोड ४७ लाख रुपैयाँ वितरण गरिएको छ । काजकिरिया अनुदान स्वरुप ३ सय ८ आश्रित परिवारलाई १ करोड २३ लाख रुपैयाँ राहत वितरण गरिएकाे छ ।
