काठमाडौं । नेपाल पुनर्बीमा कम्पनीले गत आर्थिक वर्ष (आ.व) ७८/७९ को तेश्रो त्रैमासको रिपोर्ट सार्वजनिक गरेको छ । कम्पनीले गत आवको तेश्रो त्रैमाससम्म निर्जीवन तर्फ ६० करोड २१ लाख खुद नाफा गर्न सफल भएको छ भने जीवन बीमा तर्फ भने २ करोड ९७ लाख नोक्सानी बेहोर्न पुगेको छ ।
अघिल्लो आर्थिक वर्ष ७७/७८ को तेश्रो त्रैमाससम्म कम्पनीले निर्जीवन बीमा तर्फ ८२ करोड ४७ लाख खुद नाफा गर्दा जीवन बीमा तर्फ १० करोड १० लाख खुद नाफा गरेको थियो ।
गत आवको तेश्रो त्रैमाससम्म नेपाल पुनर्बीमा कम्पनीले ८ अर्ब ७८ करोड कुल बीमा शुल्क आर्जन गरेको छ । अघिल्लो आवको तेश्रो त्रैमाससम्म ६ अर्ब ८१ करोड कुल बीमा शुल्क आर्जन गरेको कम्पनीले एक वर्षको अवधिमा करिव २९ प्रतिशतले व्यवसाय वृद्धि गर्न सफल भएको छ ।
११ अर्ब ६५ करोड चुक्ता पूँजी भएको कम्पनीमा निर्जीवन तर्फ ३ अर्ब ९१ करोड जगेडा कोषमा संचित रकम हुँदा जीवन बीमा तर्फ ५९ करोड ५ लाख जगेडामा संचित गर्न सफल भएको छ । त्यस्तै निर्जीवन तर्फ बीमा कोषमा २ अर्ब ५४ करोड रहेको छ ।
प्रकाशित तथ्याङ्क अनुसार कम्पनीको वार्षिक प्रति शेयर आम्दानी ६ रुपैयाँ ५५ पैसा छ भने किताबी मूल्य १६० रुपैयाँ ५१ पैसा छ ।
