ग्रामीण विकास लघुवित्त वित्तीय संस्था लिमिटेडले चैत २९ गते बुक क्लोज गर्ने भएको छ । संस्थाले ५० प्रतिशत हकप्रद सेयर जारी गर्ने प्रयोजनको लागि एक दिन संस्थाले बुक क्लोज गर्न लागेको हो ।
संस्थाको ५० प्रतिशत हकप्रद पाउन चैत्र २८ गतेसम्म शेयर किन्नुपर्ने छ ।
लघुवित्तले ३२ करोड ७५ लाख रूपैयाँ बराबरको प्रतिकित्ता एक सय रूपैयाँ अंकित ३२ लाख ७५ हजार कित्ता शेयर निष्काशन गर्न लागेको हो । हाल संस्थाको चुक्ता पुँजी ६५ करोड ५० लाख रुपैयाँ रहेको छ । ५० प्रतिशत हकप्रद पछि संस्थाको चुक्ता पुँजी ९८ करोड २५ लाख रुपैयाँ नाघ्ने छ ।
