काठमाण्डाैं । वैश्विक पूनर्बीमा कम्पनी स्वीस रिका अनुसार सन् २०२१ भर महाविपत्तीका कारण भएकाे क्षतिवापत बीमा कम्पनीलाई १०५ अर्ब अमेरिकी डलर (१ सय २८ खर्ब नेपाली रूपैयाँभन्दा बढी) घाटा भएकाे छ ।
गत डिसेम्बरमा स्विस रिले प्रकाशन गरेकाे प्रतिवेदनका अनुसार प्राकृतिक विपत्ती र मानव सिर्जित विपत्तीका कारण विश्वव्यापीरूपमा बीमा कम्पनीहरूलाइ यति ठूलाे घाटा हुन गएकाे हाे ।
स्वीस रिका अनुसार सन् १९७० पछि महाविपत्तीका कारण भएकाे क्षतिकाे हिसाबले याे चाैथाे उच्च बीमा घाटा हाे ।
स्विस रिले विपत्ती वा प्रकोपका कारण हुने क्षति लगातार बढ्दै जाने अनुमान गरेकाे छ । बढ्दाे कूल गार्हस्थ उत्पादन( जीडीपी ) र सहरीकरणकाे बिस्तारका कारण जलवायु परिवर्तनको निरन्तर प्रभावसँगै घाटा बढाउनेछ ।
स्विस रिले २०२१ मा मानव निर्मित प्रकोपबाट बीमा कम्पनीलाइ ७ अर्ब डलर भन्दा बढी भएको अनुमान गरेको छ।
“सन् २०२१ मा, प्राकृतिक प्रकोपबाट बीमित क्षति पुन: अघिल्लो दश वर्षको औसत भन्दा बढ्यो, हालैका दशकमा देखिएका नोक्सानमा वार्षिक ५ देखि ६ प्रतिशत वृद्धिको प्रवृत्ति जारी राख्दै,” स्विस रिकाे महाविपत्ती जोखिम प्रमुख मार्टिन बर्टोगले भनेका छन्।
यो ध्यान दिन लायक छ कि सन् २०२१ मा दुई सबैभन्दा महँगो प्राकृतिक प्रकोपहरू विनाशकारी अमेरिकी तुफानमा भएको थियो जसको परिणामस्वरूप अनुमानित बीमा क्षति ३० देखि ३२ अर्ब अमेरिकी डलर रहेकाे थियाे । त्यसैगरी अमेरिकाकै न्यूयोर्कमा बाढी, र शीतकालीन तूफान उरीका कारणा १५ अर्ब बीमा क्षति पुर्याएकाे थियाे।
