काठमाडौं । एनएमबि हाइब्रिड फण्ड एल १ र एनएमबि ५०ले नगद लाभांश (प्रतिफल) इकाईधनीहरुको बैंक खातामा जम्मा गर्ने भएका छन् ।
एमएमबि हाइब्रिड फण्ड एल १ ले आजदेखि हितग्राही खातामा अद्यावधिक गराएका इकाईधनीको बैंक खातामा आईपीएस मार्फत प्रतिफल जम्मा गर्ने जनाएका छन् । एनएमबि ५०ले भोलि बिहीवारदेखि प्रतिफल इकाईधनीको बैंक खातामा जम्मा गर्ने जनाएको छ ।
एमएमबि हाइब्रिड फण्ड एल १ ले आर्थिक वर्ष २०७७/७८ को लागि योजनाका इकाईधनीहरुलाई करसहित २० प्रतिशतका दरले र एनएमबि ५० ले करसहित ३० प्रतिशतका दरले लाभांश वितरण गर्ने घोषणा गरेका थिए ।
बुक क्लोजको आधारमा भदौ १७ गतेसम्मका कायम इकाईधनीहरुले मात्र लाभांश पाउनेछन् ।
