काठमाडौं । नेपाल पुनर्बीमा कम्पनीले बिगतका वर्षहरुमा गरेको नाफा र जगेडा कोषबाट २० प्रतिशत बोनस सेयर वितरणको साथै २० प्रतिशत नै हकप्रद बिक्री गर्ने संभावना बढेर गएको छ ।
केही समय अघि आफुुसँग २५ प्रतिशत वितरणयोग्य नाफा रहेको भन्दै विवरण सार्वजनिक गरेको कम्पनीले २० प्रतिशत बोनस सेयर वितरणसहितको प्रस्ताव तयार पार्दै गरेको स्रोतबाट थाहा भएको छ । त्यसैगरी कारोबार बिस्तारका लागि चुक्ता पूँजी बढाउनुपर्ने दबाबमा रहेको कम्पनीले कम्तिमा २० प्रतिशत हकप्रद बिक्री गर्न सरकारबाट अनुमति पाउनसक्ने संभावना बढेको बताईएको छ ।
१० अर्ब चुक्ता पूँजी रहेको पुनर्बीमा कम्पनीले आफ्नो ब्यवसायको आकार बढाउन र अन्तर्राष्ट्रिय क्षेत्रमा कारोबार गर्दाको जोखिमबहन गर्ने रेटिङ्ग् प्राप्त गर्न हालको पूँजी कम्तिमा दोब्बर हुनुपर्ने देखिएको छ । स्वदेशी बीमा कम्पनीहरुकै चुक्ता पूँजी सात अर्ब नाघिसकेको अबस्थामा पुनर्बीमा कम्पनीको चुक्ता पूँजी १० अर्ब मात्रै हुनु धेरै कम हो । त्यसमाथि पुर्वाधार बिकास बैंक र नागरिक स्टक डिलरमा समेत लगानी गरेकाले कम्पनीको पूँजी आधार बलियो हुनुपर्ने अर्को बाध्यता छ ।
यसकारण खोसाखोस हुँदैछ नेपाल पुनर्बीमाको शेयर, पूँजी नबढाई सुखै छैन
