काठमाडौं । सगरमाथा जलविद्युत कम्पनीले आर्थिक वर्ष २०८०।८१ का लागि लाभांश घोषणा गरेको छ।
कम्पनी सञ्चालक समितिको बैठकले चुक्तापुँजी १ अर्ब १२ करोड रुपैयाँको कुल ५ प्रतिशत लाभांश घोषणा गरेको हो। जसमा ४.७५ प्रतिशत बोनस शेयर र कर प्रयोजनार्थ ०.२५ प्रतिशत नगद लाभांश रहेका छन्।
प्रस्ताव लाभांश पारित गर्न कम्पनीले मंसिर १४ गते वार्षिक साधारणसभा डाकेको छ। साधारणसभा काठमाडौंको शंखपार्कस्थित स्मार्ट दरबारमा बिहान ९ बजे सुरु हुनेछ।
सभाले लाभांश वितरणको प्रस्ताव पारित गरेपछि शेयरधनीहरुले पाउनेछन्। बोनस शेयर वितरणपछि कम्पनीको चुक्तापुँजी वृद्धि हुने भएकोले सोहीबमोजिम प्रबन्धपत्र र नियामावलीमा संशोधन गर्ने विशेष प्रस्ताव पनि सभाले पारित गर्नेछ।
सभाले अन्य कम्पनीमा लगानी गर्ने अर्को विशेष प्रस्ताव अनुमोदन गर्नेछ।
सोही सभाले गत आर्थिक वर्षको वार्षिक प्रतिवेदन र लेखापरीक्षकको प्रतिवेदन स्वीकृत गर्नेछ। यसका साथ चालु आर्थिक वर्षका लागि लेखापरीक्षको नियुक्ति र निजको पारिश्रमिक निर्धारणको प्रस्ताव पनि सभाले अनुमोदन गर्नेछ।
लाभांश र वार्षिक साधारणसभा प्रयोजनार्थ कमपनीले कात्तिक २६ गते बुक क्लोज गर्ने निर्णय गरेको छ। यसको अर्थ कात्तिक २१ गतेसम्म कायम शेयरधनीहरु लाभांश पाउन र सभामा भाग लिन योग्य हुनेछन्।
