काठमाडौं । बीमा अभिकर्ता बीमितकोमा गएछन्।
अभिकर्ताः नमस्कार
बीमितः नमस्कार कति कामले पाल्नु भयो ?
अभिकर्ताः आज हजुरलाई बीमा गराउन आएको ।
बीमितः के हो बीमा भनेको?
अभिकर्ताः बीमा भनेको वर्तमानमा सुरक्षा र भविष्यमा समृद्धिका लागि बीमा कम्पनी र बीमितबीचमा गरिने एक प्रकारको करार सम्झौता हो। तपाइँ रहे तपाइँले र तपाइँ नरहे तपाइँको आश्रितले पाउँछन् पैसा ।
बीमितः गर्दिनँ म, बीमाले मलाई के हुन्छ र ?
अभिकर्ताः त्यसो भनेर हुन्छ दाइ जीवनको के भरोसा, अस्ती तल्लो घरे माइलो दाइले दसैँमा मासु खाँदा हड्डी अड्केर मरेका होइनन् र ? अनि हाम्रै ठूलो दाई पनि जाबो औँलो रोगले खसेका होइनन् ? विचरा मेरै काका पनि बिसेक हुने फ्रस्ट स्टेजको क्यान्सर रोग लाग्दा पैसा जोहो गर्न नसकेर यो संसारबाट बिदा हुनुपर्यो । अर्को महत्वपूर्ण कुरा हाम्रै छिमेकी बालाई बुढेसकालमा छोराहरुले पाल्न पर्यो भनेर नराम्रो व्यवाहार गरेको मैले मेरै आँखाले देखे बूढासँग पैसा नभएर, समस्या र जोखिम जहाँतहीँ छ र जोखिमबाट आइपर्ने आर्थिक समस्याहरुबाट बाँच्न बीमा गराउनुपर्छ, बीमाले जीवन जिउन सहज, सरल, खुसियाली बनाउँछ बुझ्नु भयो।
बीमितः आहा कति राम्रो कुरा गर्नु भयो, ल तपाइँले जित्नु भयो, अब एउटा बीमा गर्नु पर्यो जोखिम त जहाँतहीँ छ नि।
अनि बीमित र अभिकर्ताबीच १५ लाखको बीमा गर्ने सहमति भयो। अनि अभिकर्ता मख्ख बीमित झन मख्ख ।
लेखक: राजकुमार दाहाल रिलायबल नेपाल लाइफका ब्रान्च म्यानेजर हुन् ।
