काठमाडौं । नेपाल बीमा प्राधिकरणले नेपाल लाइफ इन्स्योरेन्सलाई पुनर्बीमकसँगको पुरानो कारोबार यथाशक्य छिटो फर्छ्यौट गरेर अध्यावधिक गर्न निर्देशन दिएको छ। आर्थिक वर्ष २०७८/७९ को वार्षिक प्रतिवेदन स्वीकृतिका लागि प्राधिकरणले तोकेको सात वटा शर्त मध्ये दोश्रो बुँदामा अन्य बीमक तथा पुनर्बीमकसँगको हिसाबकिताब फर्छ्यौट गर्न प्राधिकरणले निर्देशन दिएको हो ।
जीवन बीमा कम्पनीले लिनुदिनु पर्ने हिसाब किताब समयमै फर्छ्यौट नगर्दा नेपाल पुनर्बीमा कम्पनी र हिमालयन रिइन्स्योरेन्स कम्पनीले त्रैमासिक वित्तीय विवरण समयमै प्रकाशन गर्न नपाए पछि प्राधिकरणले नेपाल लाइफलाई समेत पुनर्बीमकसँगको लेनदेन छिटोछरितो फर्छ्यौट गर्न निर्देशन दिएको हो ।
