काठमाडौं । पछिल्लो समय विभिन्न उत्सव, जन्मदिन, विवाह, पास्नी लगायतका चार्डपर्वमा जिन्सी सामानहरु दिनुको सट्टा बीमा पोलिसी उपहार दिने प्रचलन बढ्दो क्रममा रहेको छ । शुभकार्य भन्ने बित्तिकै भोज भतेर र रमझममा फजुल खर्च गर्न तत्पर नेपाली समाज हिजोआज केहि परिवर्तित र भबिष्य प्रति सचेत देखिन थालेको छ । त्यस्तै एउटा उदाहरण बनेका छन् गुल्मीका एक दम्पत्ति ।
रुरु क्षेत्र गाउपालिका वडा नम्बर ५ निवासि विजय श्रेष्ठ र नविना श्रेष्ठले आफ्नो छोराको अन्नप्राशनको शु अवसरमा सिटिजन लाइफ इन्स्योरेन्सको तम्घास शाखाबाट पांच लाखको बाल भबिष्य बीमा गरिदिएका हुन् ।
भबिष्यका लागि बचत गर्ने बिभिन्न माध्यम भए पनि अनिवार्य रुपमा बचत गर्न सकिने र भबितव्य परिहाले क्षतिपूर्ति पनि पाइने हुनाले जीबन बीमा प्रतिको बुझाइ फराकिलो बन्दै गएको छ ।
