IME Life

औषधी पसलेबाट बीमा क्षेत्रमा प्रवेश गरेकी देवकोटाको लोभलाग्दो करिअर

SPIL
Sanima Reliance
GBIME

काठमाडौं । सरस्वती देवकोटाको पुरानो परिचय औषधी पसले हो । उनी तीन वर्ष अघिसम्म औषधी पसलेकै रुपमा चिनिएकी थिइन् । समाजसेवासँगै व्यापार पनि हुने औषधी पसलको आम्दानीबाट परिवारको गुजारा राम्रै चलेको थियो । यसैबीच उनले जीवन बीमा अभिकर्ताको तालिम लिने अवसर पाइन् । अभिकर्ता पेशामा पैसा, प्रतिष्ठा र समाजसेवा सबैको अवसर मिल्ने देखेपछि उनको मन लोभ्यायो । त्यसपछि उनले मिहिनेत र लगनशीलताका साथ तीन वर्षकै अवधिमा आफूलाई अब्बल मध्येको अभिकर्ताका रुपमा स्थापना गरिसकेकी छिन् । अहिले उनको परिचय फेरिएको छ । उनी अचेल सिटिजन लाइफ इन्स्योरेन्सको सिनियर एजेन्सीको परिचय पाएकी छिन् । व्यवसायीक सफलताका आधारमा सिटिजन लाइफको गोल्ड क्लब, सिल्भर क्लबको भ-याङ पनि उक्लिंदै गइन् ।

यति मात्र नभएर उनले वित्तीय सल्लाहकारहरुको अन्तर्राष्ट्रिय संस्था अन्तर्गत एमडिआरटी २०२२ का लागि समेत योग्य भइन् । पोखरा १३, भद्रकाली चोक स्थायी ठेगाना रहेको रहेको देवकोटा अचेल ललितपुर, धापाखेलमा बसोबास गर्दै आएकी छिन् । उनीसँग फेवा बचत तथा ऋण सहकारी संस्थाको संचालक समिति र लेखा समितिमा रहेर  १२ वर्ष सेवा गरेको अनुभव पनि छ।

Crest

देवकोटाले बीमा क्षेत्रमा आबद्ध हुनुभन्दा अघि बीमा सम्बन्धि एउटा तालिम लिने मौका पाएको र सोही तालिमकै कारण आफूले यस क्षेत्रको सुनौलो यात्रा अघि बढाउने मौका पाएको बताएकी छिन् । उनी बीमा क्षेत्रमा प्रवेश गर्नु अघि यो क्षेत्र कस्तो होला भन्ने कौतुहलता आफूमा जाग्ने भए पनि अहिले भने आफूले बीमा अधिकांशलाई बीमा अपरिहार्य पेशा बन्न पुगेको बताएकी छिन् । उनले आफूले सुरुवातको दिनमा सोचे भन्दा बीमा पेशा निकै भिन्दै र राम्रो पाएको पनि बताउँछिन् ।

औषधी पसलेको लोभलाग्दो करिअरः
उनले २० वर्षको उमेरसम्म पोखरामा आफ्नै घरमा मेडिकल व्यवसाय संचालन गरेकी थिईन । केही बीमा कम्पनीहरुमा आबद्ध रहेका आफ्ना साथीहरुले उनलाई मेडिकल क्षेत्रबाट मात्र नभई बीमा क्षेत्रबाट पनि समाज सेवा गर्न सकिने बाटो देखाएका थिए । उनलाई साथीहरुले तपाई बीमा पेशाको लागि सक्षम हुनुहुन्छ भन्ने सल्लाहका साथ हौंस्याएपछि आफू पनि यो पेशामा लागेको सुनाइन् । आफूलाई प्रेरणा दिने व्यक्तिहरुको नाम लिंदा उनले सिटिजन लाईफको शाखा प्रबन्धक सरीता पोखरेल र एजेन्सी म्यानेजर हरि दाहाललाई उनी छुटाउन चाहन्नन् ।

मेडिकलमा आएका ग्राहकले घातक रोगको बीमा रुचाए
उनले औषधी पसलमा आउने ग्राहकलाई आफूले सिटिजन लाईफको जीवन बीमासँगै घातक रोगको उपचार सुविधाबारे पनि जानकारी दिने गरेको बताइन् । महँगो उपचार खर्चको भार जीवन बीमाबाटै व्यहोर्न सकिन्छ भन्ने थाहा पाएपछि खुशी हुँदै धेरैले घातक रोग उपचार सुविधा समेत समावेश गरेर जीवन बीमा गराए ।

देवकोटा भन्छिन्, मैले कसैलाई यति लाख उति लाखको बीमा गराउँछु भनेर हिंड्दिन। पहिले भेटघाट कुराकानी गर्छु, विभिन्न विषयमा कुराकानी गरिसक्दा संभावित व्यक्तिको आम्दानी, खर्च, पारिवारिक दायीत्व र भविष्यको योजनाबारेमा स्पष्ट जानकारी पाइन्छ । कुराकानीबाट प्राप्त हुने महत्वपूर्ण जानकारीले उसलाई कस्तो विशेषता भएको कति बीमांकको बीमा सिफारिश गर्दा उपयुक्त हुन्छ भन्ने निर्णय लिन सहज हुन्छ । अनि उपयुक्त बीमा सिफारिश गर्दा संभावित व्यक्तिको पनि मन छुन्छ र फ्याट्टै बीमा गराई हाल्छन् । उनी अन्य अभिकर्तालाई सुझाव दिन्छिन्, जीवन बीमालेख बिक्री गर्दा कहिल्यै पनि हतारोको भाव बोकेर संभावित बीमित अगाडी प्रस्तुत हुनुहुँदैन, यसले डिल क्लोज गर्न कठिनाई हुन्छ, जहिले पनि पर्याप्त समय र धैर्यता लिएर प्रस्तुत हुनसक्नुपर्छ ।

अन्तर्राष्ट्रिय संस्था यूएनमा सिनियर एजेन्सी म्यानेजर देवकाटाका श्रीमान कार्यरत छन् । श्रीमानले आवद्ध भएकै कम्पनीबाट पनि उनको परिवारका कतिपय जोखिमहरु बहन हुन्छ । त्यसरी जोखिम बहन हुने भए पनि उनका श्रीमानले उनलाई नेपालमा प्रचलनमा रहेका २५ लाख रुपैयाँ बीमांकको बीमा आफ्ना छोरीहरुलाई गर्न अनुमति दिएका थिए । उनले यसबाट पनि नेपालमा रहेका कतिपय बीमालेखका विशेषताहरु विदेशी राष्ट्रहरुले दिने सुविधाभन्दा पनि राम्रा रहेको प्रमाणीत गर्छ ।

बीमामा नछिरी बीमा नबुझिने रहेछ
उनले बीमा क्षेत्रमा प्रवेश नगरी बीमाको बारेमा पूर्ण ज्ञान नपाईने बताएकी छिन् । जसरी पौडी खेल्नु भन्दा पूर्व कुनै पनि व्यक्तीले गहिरो पानीमा डुब्नुको विशेषता थाहा पाउँदैन त्यस्तै बीमा क्षेत्र पनि आफ्नो अनुभवबाटै हेर्दा भिन्न साबित हुने उनको भनाई छ । विगतमा बीमा भन्दा पनि मेडीकल क्षेत्र मात्रै समाज सेवाको उत्तम विकल्प हो भन्ने उनलाई लाग्थ्यो । बिस्तारै जब उनले बीमा क्षेत्रमा आवद्ध भईन तब उनलाई रातको समयमा गएर बिरामीको सेवा गरेजस्तै बीमाले पनि आपत विपतमा नागरिकलाई साथ दिने रहेछ भन्ने बुझ्ने मौका पाईन ।

देवकोटाले मेडिकका बिरामीहरुको स्वास्थ उपचार गरेजस्तै बीमाले पनि नागरिकहरुलाई रोग लाग्दा र संकट पर्दा सघाएको प्रत्यक्ष देख्न पाईन् । आफूले गरेको उपचार बापत दिनका लागि कतिपय बिरामीहरुलाई मन लागे पनि आर्थिक अभाव हुने र रोग लाग्दा पनि ढिला अस्पताल धाउने नेपाली समाजलाई उनले स्मरण गर्न चाहेकि छन् । त्यस्तै, आर्थिक अभावसँग जुधिरहेका हर कोहीले ढुक्कसँग अस्पताल जान बीमाको साथ लिएको उनले देख्न थालेको बताएकी छिन् । अझ आफैले बीमा गराएर नागरिकहरुको जोखिम बहन गर्ने सौभाग्य पाउँदा उनलाई बेलाबेलामा बीमा क्षेत्रमा लागेकोमा पनि गर्व लाग्ने गर्छ ।

अयवले खट्न सिकायो, बीमाले मान्छे पनि चिनायो
सिटिजन लाइफी सिनियर एजेन्सी म्यानेजर देवकोटाले मेडिकल पेशाले खट्न सिकाए जस्तै बीमा पेशा नयाँ व्यक्तीहरुसँग परिचय बढाएको बताए । उनले नयाँ सम्बन्ध बिस्तार गर्ने मौका पाउँदा बीमाले ग्राहक मात्र नभई धेरैजना बीमाकर्मीहरुसँग पनि आफ्नो सुमधुर सम्बन्ध बिस्तार हुने मौका दिलाएको बताएकी छिन् ।

सिनियर एजेन्सी म्यानेजर देवकोटाले इन्स्योरेन्स खबरसँग भनिन्,‘अहिले कुनै परिवारमा कसैले लेबर काम गर्छ भने पनि उनीहरुको तलब महिनामा कम्तीमा पनि तीस हजार रुपैयाँ हुन्छ । तलब कति छ भन्ने कुरा भन्दा पनि उसले बचत कति गरेको छ भन्ने कुराले ठूलो महत्व राख्दो रहेछ । बीमा भनेको त बचत र भवितव्यको बेलामा सुरक्षा दुवै हुने रहेछ । यस्तो दोहोरो सुविधा दिने विश्वमा अन्य माध्यम छैन । बीमाको यस्तो महत्व बुझ्ने बीमितहरुले दैनिक धमाधम बीमा पनि गराई रहनु भएकै छ । अहिले विगतको तुलनामा बीमा गराउने नागरिकहरुको संख्या पनि बढ्दो क्रममा नै छ । मलाई त के लाग्छ भने बीमाको महत्व त विश्भर छँदै छ, यसलाई बुझेका व्यक्तीहरुले अरुलाई पनि राम्रोसँग बुझाउँनु पर्छ ।’

उनले बीमा मेरो लागि वा उसको लागि मात्र नभई हामी सबैका लागि उत्तिकै महत्वपूर्ण रहेको बताएकी छिन् । एक सय ६२ जनाको उनले बीमा गराएकी छिन् भने हालसम्म कुनै पनि (क्लेम) बीमा दाबी परेको छैन ।

बीमासँग जोडिएको त्यो रोचक घटना
सिटिजन लाइफकी सिनियर एजेन्सी म्यानेजर देवकोटा एक दिन सधैं जसो एकजना दिदीको बीमा गराउँन गएन् । ती दिदीले आफ्नो घरमा नै बोलाएर बीमा गराउँन अनुरोध गरेकी थिइन् । ११ वर्ष उमेर पुगेका छोराको बीमा गराउँन ति (महिला) दिदी अग्रसर रहे पनि उनको घर परिवारमा कुनै पनि सल्लाह नभएको देवकोटाले चाल पाइन । देवकोटाले उनीहरुको बीमाका लागि घर सल्लाह नभए पनि बच्चाको भन्दा आमाको बीमा गराउँन सल्लाह दिइन । ती महिलाको श्रीमानले एकै पटक पैसा दिने वा पछि दिने भन्नेमा विषय निकालेर आफ्नो श्रीमतिसँग सानो विवाद समेत गर्न भ्याए । त्यतिबेला देवकोटाले एकमुस्ट पैसा दिनु पर्दैन भन्दै किस्तामा पैसा दिन मिल्ने सम्झाएपछि उनीहरुले बीमा गरेका थिए । ती बीमितहरु झस्किनुको कारण भनेको कुनै दिन तेस्रोपक्ष बीमा गर्दा भुक्तानी पाउँन झमेला भोग्नु परेको कारण उनीहरु जीवन बीमा गर्न आनाकानी गरेका रहेछन् ।

साथै, ती महिलाका श्रीमानले जीवन बीमाको अपरिहार्यता बुझेपछि एकै पटक चेक काटेर ५३ हजार रुपैयाँ सिनियर एजेन्सी म्यानेजर देवकोटोको हातमा राख्देका थिए । बीमा गरेको भोलिपल्ट ती महिलालले देवकोटालाई धन्यवाद दिन उनको मेडिकलसम्म पुगेकी थिइन । यो घटना उनले सधैं सम्झिरहने बताएकी छिन् ।

शैक्षिक यात्रा स्वास्थ्य समस्याले रोक्कियो
स्वस्थ्यमा समस्या आएका कारण देवकोटाले चाहे जति पढ्न पाईनन् । उनले आफूले अयवको अध्ययन गरे पनि त्यो भन्दा माथि पढ्न आफ्नै स्वास्थ्यमा देखिएको (जन्डिस) कमलपित्त रोग बाधक बनेको बताएकी छिन् । आफ्नो पढ्ने क्षमता भए पनि आफूलाई चाहेजति पढाई अघि बढाउने मौका नमिलेको उनको भनाई छ ।

उनले साउदी, कतार गएर एक लाख रुपैयाँ खानुभन्दा आफ्नो परिवारसँग बसेर, सामाजिक भावनाका साथ काम गर्नका लागि बीमा विदेश भन्दा राम्रो बाटो रहेको बताएकी छिन् । उनले बीमामा लागेर मनग्गे आम्दानी गरेका आफ्ना कैयाँै साथीहरु सम्झिदै अलिकति मेहनत गरेमा बीमा जति सजिलै पैसा हात पर्ने पेशा कमै रहेको उनले बताईन ।

अन्य क्षेत्रमा जागिर खाँदा कुनै संस्थाले निश्चित तलब तोक्ने भए पनि बीमा पेशामा आफ्नो हातले आफै तलब तोक्न मिल्ने बताएकी छिन् । उनले बीमा पेशाा भनेको अरु साथसाथै आफ्नो पनि आर्थिक विकासमा सघाउने पेशा भएकाले देवकोटालाई यो पेशा असाध्यै मन पर्छ । उनले बीमा क्षेत्रमा आम्दानी असिमित हुने पनि बताएकी छिन् ।

त्यस्तै, उनले बीमासँगसँगै आमा समूहको सचिव हुँदै अन्य विभिन्न सामाजिक सेवाका पदहरुमा पनि आवद्ध भएर काम गरेकी थिएन् । उनले बीमा क्षेत्रमा काम गर्नको लागि आत्मविश्वास र सामाजिक भावना भएको व्यक्ती भएमा त्यस्ता व्यक्तीहरुले छिट्टै सफलता पाउँने बताएकी छिन् । सामाजले नपत्याएका व्यक्तीले बीमा क्षेत्रमा काम गर्न नसक्ने उनले सुझाव समेत दिएकी छिन् ।

बीमा क्षेत्रले दिएकै सफलताका कारण सिटिजन लाइफकी सिनियर एजेन्सी म्यानेजर देवकोटा अहिले पूर्ण रुपमा मेडिकल पेशा छाडेर बीमा क्षेत्रमा आवद्ध भएकी छिन् । उनले पछिल्ला दिनहरुमा आफू राधानीबाटै बीमितको सेवामा रम्दै आएको बताएकी छिन् ।

 

 

इन्स्योरेन्स खबरको मोबाइल एप्स सार्वजनिक, यस्ता छन् सुविधा काठमाडौं।‌ इन्स्योरेन्स खबर डटकमले पाठकको सुविधाको लागि मोबाइल एप्स पनि सार्वजनिक गरेको छ। इन्स्योरेन्स‌ खबर एप्स एन्ड्रोइड फोनका लागि  गुगल...

प्रतिक्रिया दिनुहोस्

यो खबर पढेर तपाईंलाई कस्तो महसुस भयो ?

44%

खुसी

11%

दु :खी

0%

अचम्मित

33%

उत्साहित

11%

आक्रोशित

Vianet

सम्बन्धित समाचार

Insurance Khabar Mobile App Android and IOS