काठमाडौं । नेशनल हाइड्रोपावर कम्पनीले साधारण सभा आह्वान गरेको छ । कम्पनीले मंसिर २२ गते शुक्रबार साधारण सभा गर्ने भएको हो । उक्त सभा डेलिस ओपेरा रेष्ट्रो एण्ड बैंक्वेट बालुवाटारमा गर्ने जनाएको छ । कम्पनीको कार्तिक २३ गते बसेको संचालक समितिको बैठकले उक्त सभाको मिति तय गरेको हो । कम्पनीले लाभांश घोषणा गरेको छैन ।
कम्पनीको सभामा सञ्चालक समितिको तर्फबाट अध्यक्षको आर्थिक वर्ष २०७९ / ०८० को वार्षिक प्रतिवेदन उपर छलफल गरी पारित गर्ने, लेखापरिक्षकको प्रतिवेदन सहित आर्थिक वर्ष २०७९ / ०८० को वासलात, नाफा नोक्सान हिसाब र सोही अवधिको नगद प्रवाह विवरणसँग सम्बन्धित अनुसूचीहरू उपर छलफल गरी पारित गर्ने प्रस्ताव पारित गर्नेछ ।
सभामा आर्थिक वर्ष २०८० / ०८१ को लागि लेखापरिक्षक नियुक्ती गर्ने तथा निजको पारिश्रमिक निर्धारण गर्ने प्रस्ताव पेश हुने छ। त्यस्तै विशेष प्रस्ताव अन्तर्गत कम्पनीको प्रबन्ध पत्रको दफा ६ को (क) र (ख) संशोधन गर्ने प्रस्ताव पेश हुनेछ।
कम्पनीले साधारण सभा प्रयोजनको लागि मंसिर७ गते बुक क्लोज गर्ने निर्णय गरेको छ । मंसिर ६ गतेसम्म कायम शेयरधनीले मात्र सभामा भाग लिन सक्ने छन् ।
1699584264232
