काठमाडौं । यस साता नेप्से परिसूचक १ दशमलव १३ प्रतिशतले बढेको छ । भदौ ४ गते अन्तिम दिन नेप्से परिसूचक ४४ अंकले बढेर २०२९ दशलमव ७८ को विन्दुमा कायम भएको छ भने अधिल्लो साता नेप्से परिसूचक ३९ दशमलव ४८ अंकले बढेर २००७ दशमलव ०६ को विन्दुमा कायम भएको थियो । हिजो साताको अन्तिम कारोबार दिन सबै उपसूचक बढेका छन् । भदौ ४ गते निर्जीवन बीमा उपसूचक १ दशलमव ७६ प्रतिशतले बढेको छ ।
साताको अन्तिम कारोबार दिन भदौ ४ गते कारोबार भएका १२ वटा निर्जीवन बीमा कम्पनीकै शेयर मुल्यमा बृद्धि भएको छ । साताको अन्तिम दिन विहीबार हिमालयन एभरेष्ट इन्स्योरेन्सको शेयर मुल्य १२ रुपैयाँ अर्थात २ दशमलव ११ प्रतिशतले बढेर ५८० रुपैया कामय भएको छ । आइजिआई प्रुडेन्सियल इन्स्योरेन्सको १६ रुपैयाँ ९० पैसा अर्थात ३ दशलमव ३५ प्रतिशतले बढेर ५२० रुपैयाँ ९० पैसा कायम भएको छ । नेपाल इन्स्योरेन्स कम्पनीको १६ रुपैयाँले शेयर मुल्य बढेर ८०५ रुपैया कामय भएको छ ।
त्यस्तै, नेको इन्स्योरेन्सको १६ रुपैयाँ ९० पैसाले शेयर मुल्य बढेर ८८४ रुपैयाँ ९० पैसामा कायम भएको छ । एनएलजी इन्स्योरेन्स कम्पनीको शेयर मुल्य १९ रुपैयाँ अर्थात २ दशलमव ४४ प्रतिशतले बढेर ७९९ रुपैयाँ कायम भएको छ । प्रभु इन्स्योरेन्सको शेयर मुल्य १६ रुपैयाँले बढेर ७ सय रुपैयाँमा कायम भएको छ । राष्ट्रिय बीमा कम्पनीको शेयर मुल्य २३० रुपैयाँले बढेर १४ हजार ५६० रुपैयाँ कायम भएको छ । सगरमाथा लुम्बिनी इन्स्योरेन्सको शेयर मुल्य ५ रुपैयाँ १० पैसाले बढेर ७२३ रुपैयाँ कायम भएको छ ।
त्यसैगरी सानिमा जिआइसीको शेयर मुल्य ४ रुपैयाँले बढेर ५९५ रुपैयाँ कायम भएको छ । शिखर इन्स्योरेन्सको शेयर मुल्य १० रुपैयाँले बढेर ७७५ रुपैयाँ कायम भएको छ । सिद्धार्थ प्रिमियर इन्स्योरेन्सको शेयर मुल्य १३ रुपैयाँले बढेर ७५२ रुपैयाँ कायम भएको छ । यूनाइटेड अजोड इन्स्योरेन्सको शेयर मुल्य ९ रुपैयाँ ५० पैसाले बढेर ५८७ रुपैयाँ कायम भएको छ ।
