काठमाडौं । यस साता नेप्से परिसूचक १ दशमलव १३ प्रतिशतले बढेको छ । भदौ ४ गते अन्तिम दिन नेप्से परिसूचक ४४ अंकले बढेर २०२९ दशलमव ७८ को विन्दुमा कायम भएको छ भने अधिल्लो साता नेप्से परिसूचक ३९ दशमलव ४८ अंकले बढेर २००७ दशमलव ०६ को विन्दुमा कायम भएको थियो । गत साताको तुलनामा हाइड्रोको शेयरमा लगानीकर्ता आकर्षित भएको देखिन्छ । गत साताको तुलनामा हाइड्रो उपसूचक ६ प्रतिशतले बृद्धि भएको छ ।
गत साताको तुलनामा यस साता चार उपसूचक घटेका छन् भने बाँकी सबै उपसूचक बढेका छन् । गत साताको तुलनामा यस साता बैंकिङ उपसमुह ० दशमलव ६४ प्रतिशतले घटेको छ । होटल एण्ड टुरिजम १ दशमलव १३ प्रतिशतले घटेको छ । जीवन बीमा उपसूचक ० दशमलव ६६ प्रतिशतले घटेको छ भने ट्रेडिङ उपसूचक २ दशलमव ३० प्रतिशतले घटेको छ ।
त्यस्तै, अघिल्लो साताको तुलनामा विकास बैंक उपसूचक २ दशलमव ९८ प्रतिशतले बढेको छ । फाइनान्स उपसूचक ३ दशलमव ८८ प्रतिशतले बढेको छ । हाइड्रोपावर उपसूचक ६ दशमलव ७७ प्रतिशतले बढेको छ । इन्भेष्टमेन्ट उपसूचक १ दशमलव ४४ प्रतिशतले बढेको छ । उत्पादनमुलक एण्ड प्रोसेसिङ उपसूचक २ दशलमव ३२ प्रतिशतले बढेको छ ।
साथै, मायक्रोफाइनान्स उपसूचक १ दशलमव १२ प्रतिशतले बढेको छ । म्युचुअल फण्ड उपसूचक १ दशलमव २९ प्रतिशतले बढेको छ । निर्जीवन बीमा उपसूचक ० दशमलव ४६ प्रतिशतले बढेको छ भने अन्य उपसूचक ० दशलमव ९१ प्रतिशतले बढेको छ ।
