काठमाडौं । आज नेप्से परिसूचक ९ दशमलव २५ अंकले घटेर २,०८६ को विन्दुमा कायम भएको छ र आज ११७ कम्पनकिो शेयर मुल्य बढेको छ भने ८१ कम्पनीको शेयर मुल्य घटेको छ ।
आज दिनभरिमा २६९ कम्पनीको ९३ लाख ६१ हजार ७८६ कित्ता शेयर किनबेच हुँदा १ अर्ब ८१ करोड २४ लाख रुपैयाँको शेयर कारोबार भएको छ । आज सबैभनदा धेरै शिवम् सिमेन्टको शेयर कारोबार भएको छ । आज कम्पनीको ११ करोड १९ लाख रुपैयाँको शेयर कारोबार भएको छ ।
त्यस्तै, सानिमा बैंकको ८ करोड ९० लाख रुपैयाँको संस्थापक शेयर किनबेच भएको छ । प्रोग्रेशिभ फाइनान्स कम्पनीको ६ करोड ९१ लाख रुपैयाँको शेयर कारोबार भएको छ ।
