काठमाडौं । नाफा बुक गरेका लगानीकर्ताले थप शेयर खरिद नगर्दा शेयर बजारमा भारि गिरावट देखिएको छ । एक साता अगाडीसम्म दोस्रो बजारमा ४/५ अर्बको कारोबार हुँदै आएको थियो । तर हिजो मंगलबार तीन अर्ब पनि कारोबार नभएको बजारमा आज भने तीन अर्ब नाघेको छ ।
नाफा बुक गरेका लगानीकर्ताले थप शेयर खरिद नगर्दा सूचक सँगै कारोबार रकम पनि घटेको हो । राजनीतिक घटनाक्रम र आगामी मौद्रिक नीतिमा के आउछ भन्ने अन्योलताले लगानीकर्ताहरु पर्ख र हेरको अवस्थामा पुगेका हुन् । यदि राजनीतिक समिकरणमा केहि तलमाथि भयो भने बजार घटबढ हुन सक्छ । त्यसैले पनि लगानीकर्ताहरु जोखिम लिन तयार नभएका हुन् ।
पछिल्लो समयको सुधारमा २ सय अंक भन्दा माथिले बढिसकेको छ । यस अवधिमा खरिद बिक्री गर्नेले भोलिको अन्योलता देखेरै नयाँ शेयर खरिद नगरेका हुन् । होटल लगायतका कम्पनीबाट राम्रो आम्दानी गरेका लगानीकर्ताले शेयर बिक्री गरेर बाहिरिएका छन् । यदि बजार फर्किने अवस्था आयो भने उनिहरु फर्किनेछन् ।
यहि कारणले गर्दा पनि आज शेयर बजारमा ३९.२६ अंकले घटेर २०४९.४४ अंकमा झरेको छ । आज तीन अर्ब ७ करोड रुपैयाँको खरिद बिक्री भएको छ । आज २०८ वटा कम्पनीको शेयर मूल्य घट्दा १४ कम्पनीको शेयर मूल्यमा भने सुधार भएको छ ।
सिटि होटल र रावा इनर्जीको शेयर मूल्य सर्वाधिक सुधार हुँदा सर्किट लागेको छ । आज सबैभन्दा धेरै बीमाको सूचक तल झरेको छ । बैंक वित्तीय संस्थादेखि सम्पुर्ण सूचक तल झरेकाले पनि समग्र शेयर बजारमा गिरावट देखिएको हो ।
