काठमाडौं । साताको पहिलो दिनमै नेप्से सूचक ५३.७० अंकले घटे पछि लगानीकर्ता आत्तीएका छन् । आज कारोबार सुरु हुने वित्तीकै बजार तल झर्न सुरु गरेको थियो । दोहोरो अंकले घट्न थाले पछि लगानीकर्ताले नाफा बुक गरेका छन् । नाफा बुक सँगै दोस्रो बजारमा सप्लाइ बढेको हो ।
बैंक वित्तीय संस्थाको शेयरमा बायर हाबी छन् भने बीमा कम्पनी, होटल, माइक्रोफाइनान्समा सेलर हाबी देखिएका छन् । बजार बढ्ने अपेक्षामा शेयर खरिद गरेकाले डराएर शेयर बिक्री गरेका छन् । अवको केहि समयमा मोनिटरी पोलिसी पनि आउदैछ । अर्को तर्फ असार मसान्त आउदैछ । बजार माथिल्लो विन्दुमा पुगेर तल झरेकाले पनि लगानीकर्ताहरुल हत्तपत्त शेयर बिक्री गरेर व्याज, किस्ता र कर जोहो गर्न थालेका हुन् । यसले गर्दा बजारमा सेलिङ प्रेसर बढेको हो ।
आइतबार नेप्से सूचक २.५० प्रतिशतले घटेर १०९७.२९ अंकमा झरेको छ । कारोबार रकम ५ अर्ब ८ करोड रुपैयाँको भएको छ । व्याज र किस्ता जोहो गर्ने हाबी हुँदा घटेको बजारबाट अन्य लगानीकर्ताहरुले भने सस्तोमा शेयर खरिद गर्न खोजेका छन् । असार पछि बजार सुधार हुने लगानीकर्ताको विश्लेषण छ । यसले गर्दा पनि कारोबार रकममा गिरावट हुन सकेको छैन ।
आज सम्पुर्ण सूचक तथा उपसूचकमा गिरावट देखिएको छ । २०७ वटा कम्पनीको शेयर मूल्यमा गिरावट हुँदा १८ वटा कम्पनीको शेयर मूल्यमा भने सुधार देखिएको छ । विपिडब्लु लघुवित्त र सिटी होटलको शेयर मूल्यमा सकारात्मक सर्किट लागेका छन् । सर्वाधिक धेरै हिमालयन लाइफको मात्रै ४२ करोड ५६ लाख रुपैयाँ खरिद बिक्री भएको छ । कम्पनीको शेयरमा ठुला लगानीकर्ताले खेलिरहेका छन् । यस समुहले आफ्नो शेयर भ्यालु बढाउन आफैले खरिद बिक्री गरिरहेका छन् ।
